【點新聞報道】藝人張致恒（Steven）與妻子區燕雯（雯雯）育有四子，一家六口陷入財困多年。雯雯日前在社交平台發文控訴，家中接連遇上小朋友發燒及停電，「一個月一次cut電，一年一次搬屋」，質疑張致恒留戀娛樂圈，「其實憑乜嘢仲可以繼續娛樂圈呢條路？」張致恒近日接受網台訪問時，剖白拒絕申請綜援與破產的真正原因。
張致恒近日接受網上頻道《鼎豐盛》訪問時，被問到外界指摘「養唔起都要養狗兼請工人」，他解釋太太一個人要湊四個小朋友幾乎是不可能，再加上一個兒子患有自閉症（SEN），所以他們的情緒是比較難控制，所以「唔請個工人幫我老婆手，其實基本上係無可能，除非我唔返工，兩個人喺度困獸鬥，剩係湊仔。」至於家中的愛犬，則是婚前已飼養了十多年，沒理由結婚後因為經濟壓力而棄養，「其實牠們已經同我哋嘅屋企人冇分別，所以就算死慳死抵，我哋都會整最平嘅嘢畀佢哋食，都要維持關係。」
雖然現時生活比較困難，但張致恒坦言不會申請破產，直言有不少朋友都有此建議，認為申請破產後不用煩惱，過幾年便能變回正常人，惟他認為逃避債務是不負責任行為，「雖然依家還唔到錢畀人都係一個好唔道德的行為，但總好過申請破產，直接避開責任，行出街你都唔敢抬高頭。」
張致恒亦不願領取綜援，直言「自己『有手有腳』，我點解唔再繼續去嘗試努力，搵到更多的機會，令到屋企好啲呢？我唔想淨係攤開手掌攞錢，剩係喺度湊仔」。他強調，每次出糧都會計劃「還少少」給不同朋友，更指領綜援金額僅夠基本開支，無法還債，且自己不能停下來，「唔做嘢整個人好壓抑，除了對屋企，對債主都要負責任，所以堅持唔破產、唔攞綜援。」
（本文為作者觀點，不代表本媒體立場）
收藏
取消收藏
分享
