【點新聞報道】Gin Lee李幸倪昨日（23日）舉辦「GLFC歌迷會限定 GIN LEE 李幸倪《READY FOR》生日見面會」，與一眾「GLFC」粉絲提前慶祝8月26日的牛一。這場活動只限會員參加，每位入場歌迷均獲贈一套「READY FOR GIN LEE 李幸倪 LIVE IN HONG KONG 2026『限量專屬編號』·珍藏版藍光碟套裝」，這套千金難求的光碟，絕對是粉絲專屬的夢幻收藏。
Gin一出場，全場歡呼聲此起彼落。她率先感謝歌迷的長久支持：「多謝你哋嚟睇我演唱會，仲要多謝你哋買呢隻Blu-ray特別版，呢個版本出面真係買唔到，only for GLFC，希望你哋感受到我嘅誠意，亦多謝你哋今日抽空出席。」談及這套特別版藍光碟，她透露製作過程一絲不苟：「入面有好多小心思，每次我都會諗Fans會唔會鍾意、收到會唔會開心，所以我哋改咗好多次設計，就係想你哋真係感受到呢份心意。」
生日會的切蛋糕環節，蛋糕上還原了Gin的演唱會造型公仔，精緻度滿分。全場歌迷齊聲合唱生日歌，Gin閉眼許願，她感性說：「每年同Fans一齊過生日，我都會將第一個願望送俾在座每一位，就係衷心祝大家身體健康、生活愉快、平平安安，每日都被愛包圍、日日幸福，呢個就係我送畀你哋嘅禮物。」說完她笑言聽說可以許三個願，剩下兩個就留給自己靜靜地許，場面既搞笑又窩心。
之後Gin分享近況，自爆之前「失蹤」了一陣子，其實是四出工作及錄製新歌，更興奮預告：「好快九月頭就會有新歌，係一首好refreshing嘅作品，大家要期待啊！而且呢首歌會係我全新概念專輯嘅第一炮，成個概念同感覺都會係一個全新階段。」活動尾聲，Gin逐一為歌迷簽碟、傾計兼合照寵粉程度爆燈，為生日會畫上圓滿句號。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
