【點新聞報道】近日社交平台瘋傳一則車cam短片，顯示於佐敦柯士甸一處十字路口，一名女狗主牽着小狗過馬路期間，任由狗隻於馬路中央邊走邊排洩，事後未有清理地面遺留狗糞。影片隨即引發網上熱議，不少網民痛批該名女狗主極度缺乏公德心。
車主上傳車cam片至社交平台，並配文怒斥：「公德心呢x.....已經盡量抵開（避開）少少.....但都中....成個沙板裙腳都係屎」。從上傳影片可見，事發於當日下午時段，車主開車駕駛至佐敦柯士甸一處十字路口，當時行人過路交通燈為綠燈，一名身穿粉紅衣服的女子牽着一隻白色小狗橫過馬路。當行至馬路中央過少少時，小狗突然停下排洩，女狗主察覺後非但沒有制止或拉走小狗，反而當場停下腳步等候。待小狗完事後，女子便牽狗揚長而去，留下大量狗糞於馬路中央。期間雖有多名行人經過，惟均未有即時提醒，而車主則在轉燈後駛過該路段。
影片曝光後隨即引發網民熱烈討論，許多網民轟女狗主的缺德行為：「呢啲狗主真係黐線～，周街屙完屎唔清理」、「啦啦聲執返啲屎其實有幾難......，就係有呢啲狗主影衰晒正常嘅…」、「就係呢啲人冇公德心影衰晒，（響咹）響佢啦，家陣唔使執咩」、「個狗主真係垃圾」、「俾我就會bu條八婆叫佢執返d屎」、「點解唔執？ 識養狗唔識執狗屎」，更有網民建議應對此類行為進行罰款。
此外，亦有網民指出類似情況屢見不鮮，直言：「你去公屋行一轉，好多養狗都係xx」、「私樓都係，啲姐姐只係拖狗落街講電話⋯⋯水樽廁紙乜都唔帶」、「其實啲狗屙緊屎嗰陣，唔可以拉前佢幾步嘅咩？見好多都係見佢屙就由佢屙」。
（本文為作者觀點，不代表本媒體立場）
收藏
取消收藏
分享
