【點新聞報道】張武孝（大AL）的《大AL的音樂歷程》演唱會，日前於數碼港商場演出，圈中好友紛紛到場力撐。林寶玉和姚正菁除了現身支持，菁菁更首次公開獻聲，而寶玉自製應援牌，意外成為全場另一焦點。
大AL一上台，台下好友即時歡呼鼓掌，氣氛瞬間升溫。他接連演繹《Golden Slumber》、《One Day》等多首經典金曲，觀眾掌聲不絕。騷後大AL感性地感謝各方好友成就今次個唱：「全靠主辦Sam哥同資深音樂人粉哥精心策劃，仲有咁多好朋友鼎力支持！特別係菁菁做嘉賓，真係估唔到佢第一次上台表現咁出色，唱得咁好，原來佢除咗演戲，唱歌都咁了得！其實到咗我呢個年紀，開騷就好似朋友聚會，大家見嚇面先係最重要！」
早前透露學唱歌中的姚正菁，當日狀態大勇，首度公開獻唱《親密愛人》。她說：「出場前我緊張到手震腳震，好擔心大家嘅反應，但依家終於體驗到上台嘅樂趣，應該會更加愛上唱歌，亦都明白老師之前教嘅小技巧！我問寶玉畀幾多分，佢鬼馬唔肯講，不過經理人夠嚴格，我先有進步空間！」
同場的林寶玉則透露，早前二人曾赴新加坡拍攝，為即將派台的新歌拍攝封面照。她又大讚姚正菁今次表現超出預期，笑指對方是「被愛情耽誤」的實力歌手。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
