【點新聞報道】古巨基與程人富日前踩入匹克球場，大膽向中國香港代表隊下戰書。原來古sir秘密練兵數月，自覺「升呢」夠班，即邀港隊過招。面對比自己高幾十級技術的對手，他高呼：「打波最緊要唔好怯，怯就輸一世」。但口號背後竟然暗藏「奸計」，二人自知實力懸殊，索性帶多8個「影分身」落場，組成10人軍團，實行以多取勝；反觀港隊僅派兩名代表應戰，擺明讓賽。賽制訂明，古sir隊每失一分便淘汰一個分身，先奪11分者勝。
開局港隊派出女將吳麗萍及林映雪，雙方互有失誤，但港隊始終技高一籌，分數領先。中段換入男將李俊瑋及林浚鿋，節奏與力量即時升級，古sir軍團由十變五、再變三，最後只剩他與程人富孤軍作戰。雖然偶有得分，全隊興奮彈起，士氣爆燈，可惜實力懸殊，終以7比11敗陣。
這場友誼賽實為港隊出征「匹克球世界盃」打氣，下月越南峴港將有26名精英出戰，包括亞洲男單一哥王康傑、香港女單一姐鄧諾瑤，連前奧運羽毛球獎牌得主陳念慈亦復出參賽，陣容強勁。
賽後古sir興奮話：「私下都有同幾位球員玩，但今次真係超搞笑！雖然人多都輸，但呢項運動真係好好玩，我練咗幾個月都上晒癮。」他笑言輸波反燃起運動魂，會勤加練習，更豪言：「希望將來有日我可以代表港隊！」同時呼籲大眾一齊為港隊集氣，力爭佳績。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
