【點新聞報道】個個對移民充滿幻想，經歷過先驚覺現實係幾咁骨感。有從加拿大回流的港女發文承認自己敗走回港，指年少不知天高地厚覺得可以去加拿大闖蕩，結果明白什麼叫不自量力，返港生活後，更慢慢承認自己鍾意儲錢多過所謂自由。
該名回流港女在社交平台發文分享回流的心路歷程，指當初移加時歡天喜地，豈料生活不似預期，孤獨一人被寂寞吞噬，「記得入境溫哥華個一日嘅歡欣，點解會發生咁大變化，又或者一條友背井離鄉，講得好聽啲來去自由自在，但冇人冇物加上唔擅長社交，當以為自己習慣做一座孤島，日復一日睇唔到岸嘅浪雨終會慢慢吞噬你」。
樓主最終選擇回流香港，在經過他邦的生活後，發現自己更愛香港，「敗走回港後，日復一日繼續黎生生活中，慢慢承認自己鍾意儲錢多過所謂自由。動盪不安嘅經濟環境下，冇錢咩都冇得揀。」
樓主認為去留是個人選擇，最終都要獨自面對，「我依然敬佩有二次出發勇氣、或者轉換跑道努力於他鄉生根嘅朋友」、「但話又咁講 人生如逆旅 行到尾站都係自己獨行」。
帖文引起不少網民同感，「返黎咪返黎 最緊要自己開心 」、「我都就快返香港，而家覺得做黎生都好」、「我前日都返咗嚟喇 」、「當生活都有困難嘅時候，自由飽肚唔到」、「冇話敗唔敗走，自己鍾意就得，唔需要貶低自己身價」。
（本文為作者觀點，不代表本媒體立場）
收藏
取消收藏
分享
