【點新聞報道】不少移民英國的港人，因收入、物價、稅高，而牙痛咁聲！有移英港男在網上發文大呻「在英國好難儲錢」，話唔明英國返工係點玩，直指返工出糧就已經扣起一大截，加上英國政府成日改退休金，大嘆稅項複雜，「唉！好難明」。
相對外國的通脹、物價高企、長年萬稅，香港的經濟發展、工作機會較好，當然更容易累積財富。該移英港男在社交平台threads發文問「點解好似係英國好難儲錢」，直指交租交稅都冇咗一大截，「租+交通+稅，都去咗一半」。
話說英國出糧時，會自動扣除入息稅、國民保險及工作退休金，樓主大呻「真係唔明英國返工係點玩。返工 pay slip 就已經扣起稅，好痛」、「Pension英國政府成日改，稅項又複雜。唉！好難明」。
實際落袋的現金大減，不少同路人都感嘆難以儲錢，「呢個地方根本人工低稅又高，正常搵錢都唔喺度」、「唔係好難，直頭冇可能」、「英國好多地方都係合法地搶錢」、「被政府搶哂」、「個個都係月月清袋」。
（本文為作者觀點，不代表本媒體立場）
收藏
取消收藏
分享
