【點新聞報道】近日，網上瘋傳一則驚險影片，顯示一名疑似菲傭的女子在港鐵站內一處正在下行的扶手電梯上，反方向不斷向上狂奔逆行，過程長達10分鐘，期間更不時發出尖叫，事件引發網民熱議與關注。
拍攝者在Threads上傳影片，並發文好奇詢問：「旺角月台見到一名菲傭姐姐喺扶手電梯逆行咗10分鐘，仲要喺度尖叫，到底發生什麼事？」從影片可見，該名身穿粉紅色上衣的女子，在港鐵月台一處下行扶手電梯上試圖逆行向上。由於電梯持續向下運行，她即使曾一度奮力向上奔跑，最終仍只是停留在原地，場面相當危險。期間不少途人經過並頻頻回頭張望，但該女子始終旁若無人般繼續逆行。片主其後更補充指，當時連尾班車都已駛過，但該女子仍未離開，「尾班車都無晒啦喎，（該女子）仲未走」。
影片曝光後迅速掀起熱烈討論，不少網民對該名女子的精神狀態表示擔憂，直言「可能壓力大到精神崩潰，希望有人去關心下佢，或者通知車站職員」、「無人會知其他人嘅世界發生咩事，希望佢睇開d，希望佢有朋友可以關心到佢，一個人離鄉別井一星期做6日嘢，真係唔易」、「或者可能佢自身有啲乜嘢疾病或者創傷，所以搞到咁樣」。
部分網民猜測該女子可能從未接觸過扶手電梯：「大鄉里出省，有好多嘢未見過唔識用，咁咪驚囉」、「其實如果係鄉郊出來真係有機會未搭過電梯」。有網民留言分享，表示：「以前有個工人姐姐，喺農村生活，嚟到香港先第一次見扶手電梯，甚至連縮骨遮都唔識用。佢當時都好似呢位姐姐咁，行錯電梯，亦都有尖叫。扶手電梯對我哋非常普遍，唔會特別去教佢哋，但對於佢哋嚟講係新嘅事物，真係唔識要分方向。試想像行錯咗上去，唔識停、郁嘅樓梯，覺得陌生同驚有幾出奇。多啲愛心，關心下佢哋，睇下點樣幫佢好過啦」。
此外，亦有網民調侃道：「唔使Join 247都有樓梯機踩」、「練緊Moon Walk」、「可能玩大冒險輸咗」。
收藏
取消收藏
分享
