【點新聞報道】港人夫婦移民加拿大三年陷婚姻危機！人妻在網上發文大呻，覺得難以融入當地生活，語言問題、工作難搵兼冇前景等等，好羨慕回流返港的同路人，坦言自己十分想返港，但老公唔同意，搞到身心疲憊，擔心如果自己一個人返港，最終會離婚收場。
一對移民夫婦如果一方極快融入當地社會或找到工作，另一方停滯不前，不免產生自卑或依賴。該名移加人妻在社交平台threads發文表示，自己好想返香港，每次見有人回流都好羨慕，但老公唔同意，「每次喺Threads見到啲人嘅回流post，心底裏都忍唔住覺得好羨慕，因為我都好想返去，但老公唔想，傾咗好多次都冇結果」。人妻感到心很累，「心好攰，如果自己一個返，香港屋企已經冇自己嘅位置」。
人妻提到當初是考慮過想有小朋友所以先移民，「因為佢份人工唔錯又有前景，而且佢係真心鍾意呢度夠慢活嘅生活，同埋之前過嚟都係為咗想生下一代，我冇諗過自己會咁唔慣」。
人妻對前路感到十分迷茫，「係我自己太廢，覺得融入唔到，語言問題、工作難搵冇前景等等，做咩都係要依賴佢，唔會想自己做咗個真廢人，起碼係香港可以自由出入（交通冇咁多限制）畀人蝦都可以自己出聲先」。
人妻坦言好掙扎，不想走到離婚一步，「唔會想離婚，老公其實對我幾好，各方面都易話為，係呢一個位唔肯讓步」。
帖文引起其他移民夫妻的共鳴，「我都諗梗。當初係老公想嚟，我自己無乜太大感覺，嚟到一年後，由到埗到而家，無一樣順利，到而我連倉我都返唔到，咁我仲可以做啲咩？」、「其實都明嘅，我都係想返去，但係老婆就唔想。不過我都有少少折衷方案（我太空人兩地走，佢stay，其實佢先辛苦）。」
（本文為作者觀點，不代表本媒體立場）
收藏
取消收藏
分享
