【點新聞報道】現年26歲的TVB小花游嘉欣（游游）入行8年，一直以「屋邨妹」慳家形象深入民心，惟近期她在社交平台頻頻曬出周遊列國、名牌服飾及價值6位數的手鏈，被網民質疑「忽然富貴」，同時其五官變化亦惹來「削腮骨」「整豬膽鼻」等整容疑雲。今日（16日）她出席無綫新劇《夫妻的博弈》時親自回應，更將負評視為「另類稱讚」。
對於網民列出疑點指她「顏值升級」，游嘉欣笑言未感不快：「大家話我係『整容級美貌』，我覺得開心，代表我嘅改變同化妝技巧有進步。」她早前已上載影片解畫，強調五官變化靠化妝和角度。
對於日前回應被指「忽然富貴」時，游嘉欣竟說「佢哋查我家宅定係知我銀行戶口？」被指態度囂張。她今日澄清當時只是開玩笑：「我都好奇點解話查家宅，所以搞下笑。如果大家覺得我『串』咗，我會收斂，唔好意思。」她強調自己向來隨性，無意冒犯。
對於一身名牌打扮及佩戴近10萬元手鏈，游嘉欣直言現今社會穿戴名牌很普遍：「公司宣傳活動都見好多人戴首飾，唔知點解喺我身上出現就特別啲。」她解釋入行時僅18歲、19歲，仍在求學，物質需求低，如今26歲喜歡打扮，買心頭好是人之常情。她更透露自己16歲已開始兼職，打工10年儲蓄不少：「每個人工作後都想買份有紀念價值嘅嘢，如果我真係好鍾意，願意花錢。人一世唔知活幾耐，珍惜當下開心嘅心情。」強調花費全屬正常儲蓄，並非靠富豪男友。然則她早前赴美旅遊花費6位數，被質疑靠富貴男友，她解釋此行是探望當地朋友，並獲邀出席社交活動，包括在世界盃包廂觀賽。她稱朋友獲邀後見尚有位置便問她是否想去，她一口答應，事後請食飯答謝：「趁後生有活力去多啲遠的地方，驚大個負荷唔到。」對於感情狀況，她只表示順其自然，不想再提「A0」標籤，盼大眾焦點放回演技與工作上。
網民重提她昔日「屋企無冷氣」言論，質疑如今是否「冷氣放題」。游嘉欣澄清，以前家中確實無裝冷氣，但已加裝，惟她極度怕冷：「就算裝咗都少開，多數吹風扇，瞓覺先開，唔係為慳錢，純粹怕凍。」
（點新聞特約記者陳惠芳報道）
收藏
取消收藏
分享
