【點新聞報道】第十九屆香港青少年軍事夏令營暨第十三屆香港大學生軍事生活體驗營今日（16日）舉行結業典禮。霍啟剛在社交平台曬出與郭晶晶共同參加13歲長子霍中曦軍事夏令營結業典禮的照片，他透露「仔仔由細到大對軍事都抱有好濃厚興趣，之前年齡未夠，今年中一終於可以報名參加。」霍啟剛又指，在駐港部隊新圍軍營，訓練內容豐富又充實，「完成訓練返嚟感覺整個人都成熟同堅強咗，作為父母真係好為佢感到驕傲！」
霍啟剛提到，霍中曦從小對軍事有濃厚興趣，平時只要香港有軍營開放日、軍艦訪港，有時間都一定會帶他去參觀。霍中曦一直都想親身參加軍事訓練營，不過之前年齡未夠，今年中一終於可以報名參加「香港青少年軍事夏令營」。
霍啟剛讚軍事夏令營體驗非常全面，夏令營的宗旨是透過紀律訓練同專題講座，培養學生的自律、堅毅、守紀同團隊精神，加深對國防的認識。為期約兩星期16日的營期中，內容相當豐富又充實，除了有步操、軍體拳、軍事手語同野外求生技巧，還可以參觀海軍同空軍基地。
據霍中曦分享，營內的生活非常規律：每日朝早6點就要起身，早餐前後都要實行步操練習，下午再進行各式各樣的軍事同課餘活動。頭幾日突然要離開屋企入營，確實有少少不習慣同未適應。加上這半個月天氣非常酷熱，軍營生活又沒冷氣，對一個初中生來講，絕對是一次體能同意志的考驗。不過，霍啟剛說，年輕人的適應力往往比我們想像中更快，霍中曦好快就融入軍營生活，兩星期的時間眨眼就過。雖然全情投入訓練又熱又辛苦，但他鍛煉到體魄、更加自律，更在營裏結識到好多志同道合的新朋友，收穫了一段寶貴的青春回憶。
霍啟剛感嘆，看到他完成訓練回來，「感覺整個人都成熟同堅強咗，作為父母真係好為佢感到驕傲！希望今次難得嘅軍營體驗，能成為佢成長路上嘅養份（分），未來繼續帶住呢份堅毅同自律嘅精神去面對新挑戰。」
近年來，駐香港部隊和教育局等部門合辦「兩營」等活動，並積極參加義務植樹、慰老愛幼等活動，與廣大香港市民共同唱響愛祖國、愛香港、愛駐軍的主旋律。
相關報道：
收藏
取消收藏
分享
