【點新聞報道】吳業坤（坤哥）與胡鴻鈞（Hubert）繼美加巡迴後，昨晚（15日）再度「合體」登陸上海Liverse音宇宙藝術中心，舉行《二分之一吳業X胡鴻鈞演唱會—上海站》。全場座無虛席，粉絲尖叫聲幾乎掀翻屋頂，熱情指數爆燈。
兩人台上默契十足，互動笑料百出。當坤哥唱到汗流浹背時，Hubert即化身「貼心阿四」幫手抹汗，轉頭卻鬼馬帶頭起哄，率領全場觀眾齊聲大叫「除衫！除衫！」，逼好兄弟騷肌。坤哥被這記「突襲」殺個措手不及，機智回應：「我仲想再嚟呢度開騷㗎，唔好嚇親觀眾啦！」一句神回覆惹得全場爆笑，成功化解危機。
完騷後受訪，兩人談及合作契機，Hubert感性表示：「一個人行未必遠，兩個人加上團隊，就做到『1+1大過2』嘅效果，帶我哋去好多意想不到嘅地方。」今次歌單特意蒐集歌迷心水，精選多首經典港劇OST，首首都引發全場大合唱。不過Hubert笑言，在上海最難的是「九成時間要講普通話」，確保台上溝通順暢已經是一大挑戰，更大讚坤哥「明顯好努力咁練過啲普通話」。
同為《超級巨聲》出身的兩人相識多年，談到互相欣賞，Hubert直言最佩服坤哥「有勇氣結婚生仔，擔起頭家」；坤哥則反將一軍，笑催Hubert「快啲加入人夫行列」，同時大讚對方「目標清晰、做決定爽快」，和他合作特別安心。
雖然行程緊密，又要直播又要綵排，但Hubert仍偷閒「巡視業務」，專程到自己投資的上海銀飾店打點，多謝歌迷專程去打卡撐場。
展望未來，兩人希望巡演能衝出廣東省，點名想殺入北京、成都、重慶、西安等地，更透露最期待順道品嘗當地美食，尤其重慶麻辣火鍋，誓要邊唱邊吃，攜手解鎖更多內地版圖。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
