【點新聞報道】外賣盒內驚現異物時有發生，但竟然連「整部手機」都能塞進飯盒？日前有食客遇極度離譜的外賣事件，指在享用海南雞飯至快要見底時，突覺飯盒底部凸起，仔細一看竟是一部滿布油脂的手機！更奇妙的是，手機隨後竟然現場來電，令事主直呼「反胃」，事件曝光後迅速引發網民熱議。
該名食客於社交平台上傳影片及相片，分享這一段誇張的用餐經歷。事主表示當日叫了一份海南雞飯外賣，起初覺得味道相當不錯，豈料「食到最底嘅時候，我見到個盒凸起咗，有嚿好硬嘅嘢，當我覺得奇怪之際……」飯盒底部的電話竟突然響起，螢幕更顯示出泰文來電指示。事主對此大感無奈，直言：「我本身覺得個飯好好食，但我而家真係有少少反胃……廚師呀廚師，點解你會將個電話擺咗落個飯盒度？」
從上傳的相片及影片可見，一個黑色長方形外賣盒內底部擺放着一部手機，螢幕上全是油污，手機與手機殼之間的縫隙更夾雜着不少食物殘渣。事主隨後接通來電，影片中傳出事主的答話「喂」。樓主續指，「佢打嚟問我係邊個？點解個電話喺我度？我同佢講，你個電話喺我盒飯入邊，我都想問下你點解？」
帖文一出即掀起網上熱烈討論。不少網民對於食物衞生問題感到震驚與噁心，直指：「同食屎無分別，電話啲菌仲勁過馬桶，成餐飯最值得開心就係真係泰國人整」、「好癲，係咪物主打嚟，電話mon污糟到廁所板咁」、「你確定只係少少反胃？淨係得少少咋？」、「所以你係食緊佢啲面油」、「好恐怖，成個電話都可以擺得入去個飯度，電話好污糟」。不過，亦有網民調侃：「海南機飯」、「食飯送手機」、「炒飯尋雞底，唔知以為執行緊臥底任務」。
對於手機為何會落入飯盒，有網民推測：「我估阿廚師應該喺平時貪方便玩手機，將個手機放喺啲外賣兜到，咁啱忙起嚟又唔記得咗電話放咗喺入面，就直接挖咗啲飯落去」。
事主其後於留言區分享了事件的後續發展。事主透露，當時打電話來的應為手機主人的同事。接通電話後不久，便有2位中年姐姐親自登門討回手機：「佢哋兩個人一齊上嚟，好緊張咁企喺門口唔敢拍門。跟住我開門連埋個盒一齊俾返佢，佢哋就係咁道歉，跟住俾咗$100我。」涉事商家亦有聯繫事主進行道歉，事件最終在事主收下賠償與道歉後告一段落。
收藏
取消收藏
分享
