【點新聞報道】灣仔道一間快餐店發生疑似顧客襲擊店員事件。一名男顧客因對多士不滿，遷怒於女店員，不但爆粗、掀翻整碟多士，並大力拍打餐盤，令奶茶瀉滿一枱。女店員和食客為之驚愕，最終店員只好退款了事。
有網民在社交平台threads憶述事發經過，指事發於8月13日下午約2時10分，一名戴帽男顧客向女店員表示「幫我換過塊多士，我平時食開唔係咁嘅樣」,女店員解釋「多士係咁架喎，你平時食嗰隻係點嘅？」。惟男顧客堅持要換過或退款，「總之唔係我食開嗰隻嘅樣，一係換過一係退款」。女店員於是吩咐廚房跟進，「廚房同事麻煩呢塊多士煎黃啲」，男顧客則返回座位繼續用餐。
約5分鐘後，男顧客再走回吧台，一見到多士即爆粗辱罵女店員「X你老X」，指對方沒有更換過新的多士，並要求退錢，「叫你換過塊畀我，你畀返頭先嗰塊我？玩X我呀？退錢！」。
隨後他大力將整碟多士反轉拍落枱面，多士碎屑彈至附近食客，之後更將成個餐盤大力拍落枱面，並用力放下奶茶，「用反枱嘅動作將成碟多士向職員好大力咁反，啲多士碎彈到隔籬嘅人......，之後就拎返成個餐盤（目測食咗一半）勁大力劈埋去張枱度，杯奶茶勁大力咁放（好似片入面咁倒晒上枱）」。最終店員答應退款，「好，而家退畀你」。
樓主目擊整個過程，指男顧客食完免費餐、職員受氣、其他等餐客人亦要延遲，惟自己卻不夠膽出聲，「其實整個過程我有諗過幫阿姐出返句聲，但佢嘅反應令我覺得佢有機會連我都打埋」。樓主其後亦去信快餐店讚揚店員敬業精神，並表示店家若然決定報警，願意提供協助。
不少網民指責該男顧客是西客，「食幾十蚊野食到好似大皇」、「呃免費餐」、「痴線佬，換轉水吧係呀叔佢一定唔敢發癲，至叻蝦女人」、「想食免費餐，心理唔平衡，兩樣都係。阿姐真係慘」、「男人老狗，有手有腳呃飯食重要搵啲無辜嘅人出氣」。
（本文為作者觀點，不代表本媒體立場）
收藏
取消收藏
分享
