【點新聞報道】英國童黨問題令移英港人苦不堪言！有移英港男發文大呻，家中長者遭街頭青年噴液體襲擊，他挺身保護家人時，卻有一對白人夫婦介入幫口指罵樓主一家「It’s always these people（總是這群人）」。樓主狠批對方明顯帶有種族歧視，「淨係靠膚色嚟分辨對錯嘅人」。
有移英近一年的港男在社交平台threads發文表示，一向都知英國街童/青少年是一個好嚴重嘅問題，日前終於親身體驗到有冤無路訴的感覺。他憶述事發經過指，「有個青少年刻意用香水瞄準+噴落我屋企人度，到我要保護我屋企人而ＸＸ個青少年嗰陣，有一對年輕夫婦即刻大大聲維護，但唔係幫我哋…，而竟然係幫啲青少年，幫完仲批評我哋『It’s always these people』」。
樓主當下明白對方並非以事論事，只是盲目撐自己人，「我覺得我哋係咁啱唔好彩，遇到一啲唔識客觀睇件事，淨係靠膚色黎分辨對錯嘅人」。
經過今次事後，樓主不但擔心治安問題，亦感到英國前景堪虞，「英國治安咁差/青少年anti social behaviours 咁嚴重，其實呢啲幫口 aka 『teenagers are teenagers』或旁觀者，都有份造成呢個咁嘅環境....」。
不少同路人都留言分享遭遇過的欺凌經歷，「我試過見到一個踩住單車嘅Teen用水槍噴我前面對Asian Friends，佢噴完之後即刻炒車」、「我曾在伯明翰市中心遇上數個年輕人，當時自己穿上有帽外套，佢哋行過我側邊時，其中一個好手快將我衫頂帽套上我頭，其朋友見到立刻大笑」、「我來咗兩年遇過係學校附近公園被2個teenager多次叫Chingchong歧視」、「我有日喺市中心閒逛都有班垃圾周圍用水槍射人」。
（本文為作者觀點，不代表本媒體立場）
收藏
取消收藏
分享
