【點新聞報道】TVB娛樂訪談節目《一周星星》邀得《功夫女足》導演兼編劇周星馳（星爺）、劉嘉玲、聯合導演林子聰，以及演員蔡思貝、張繼聰擔任嘉賓，由黎芷珊主持，暢談拍攝幕後趣聞。
星爺近年極少接受傳媒專訪，是次破例亮相，全因與主持黎芷珊相識多年。芷珊事後受訪時透露：「當初提議由我出馬，成功機會或較高，結果真係成事，可能佢見係熟人所以肯應承。」二人淵源可追溯至TVB經典兒童節目《430穿梭機》，芷珊憶述初見星爺印象，竟以「怪怪的」形容，更難忘一幕戶外拍攝情景：「喺沙灘上介紹我係新主持，佢就自己行開，玩緊一隻被沖上沙灘嘅水母。」這份「無厘頭」見面禮，至今仍令她印象深刻。
芷珊眼中的星爺，年少時已展現非凡創作才華，擅長將生活瑣事戲劇化，形容他「天馬行空、創造力同觀察力都好高」。她更自爆曾擔任星爺的「笑點測試員」：「佢成日將諗到嘅嘢講畀我聽，睇吓我笑唔笑，測試自己嘅構思得唔得。」
相隔13年，芷珊當年曾為星爺執導的《西遊·降魔篇》發布會任司儀，如今再度聚首，她坦言訪問前壓力不小：「近年睇佢嘅訪問，好驚佢一句起兩句止。」她自評難度達8分（滿分10分），但星爺現身錄影廠一刻，憂慮盡消：「一見佢入嚟打招呼，就知搞掂，感覺似見返老朋友。」芷珊更透露，星爺每次見面例必追問：「點解你個樣冇變過嘅？」令她極為受落，並以「感覺依舊」形容這段橫跨數十載的友情。
同場的劉嘉玲充當「最強助攻」，每當星爺欲迴避尖銳問題，例如被追問「點解而家唔再做幕前」，場面便變得有趣。芷珊說：「有時逼得佢太緊，佢會轉移話題，我會收聲，但嘉玲姐會繼續追擊。」此外，芷珊透露星爺在節目中答應了一項破天荒創舉，具體內容有待觀眾收看節目。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
