【點新聞報道】到餐廳吃飯都希望開開心心，但結果卻換來一肚氣！一名食客近日在社交平台發文，指日前與友人前往銅鑼灣一間食肆，消費逾$1,500慶祝生日，預訂了150分鐘的壽喜燒放題套餐，卻遭到店員不禮貌對待，不但被要求提早45分鐘離場及額外索取清潔費用。樓主直指「真係從來未試過食一餐飯可以一直比店員鬧、賠錢並且趕走。」
該名食客在網上社交平台threads發文，表示為與友人慶祝生日，預訂了「肉佐 NIKUSA」壽喜燒放題，並選擇了150分鐘放題「Plan 4」套餐，理應至少可享用至下午4時，樓主亦強調入座前店員曾向他們表示「15:00會Last order」。然而，當踏入下午3時，樓主發現不能再落單之餘，現場自取區的食物、飲品、甜品、雪糕均會停止供應並熄燈，隨後下午3時08分獲店員通知他們最遲下午3時15分要離開。
樓主提出質疑「因為我哋本身Book嘅Plan係有150分鐘，係去到16:00。入座前只係講15:00 Last order，無提及過我哋最遲15:15要離場。而且我哋啱啱15:00 Last order嗌嘅食物都仲未食，然後08分就通知15分要即刻離開，即係要提前45分鐘離開？」結果店員竟反問：「咁你哋想坐到幾點啊？」，樓主不滿對方的態度表示，「口吻完全係我哋做錯事。佢哋同事之間不停控訴指責及討論我哋，言談之間覺得間舖只剩返我哋，覺得我哋阻住佢哋」。
除了被要求提早離場外，樓主透露，用餐期間亦「令我哋大開眼界」，指入座後不久，有店員為他們打開爐具並倒入少量壽喜燒汁，其後煲底突然極速燒燶，店員即時衝前來指責「你哋唔識煮嘢食㗎？搞到咁大陣味！」樓主已即時道歉，店員亦為他們豁免「今次換煲嘅$50」。豈料，店員收走鍋具後，竟在後方大聲指責及討論，「收佢哋$50啦！個煲好難洗㗎！」、「要收$50啦！」。樓主憶述，當時不只3位店員於背後大聲指責，「我們道歉後1小時仍持續聽到店員話個煲好難洗」。最終樓主支付了$50清潔費賠償，並提前離開。
樓主坦言，明白自己有錯在先，願意配合條款賠償，但不滿店員居然出現兩套說辭，「如果店員有禮地表明條款細則係要收$50清潔費，我哋絕對會立即支付，絕對唔會比機會佢哋覺得我哋唔肯賠錢，亦唔會比機會佢哋不禮貌地對待我哋一小時，亦唔會選擇Plan 4共150分鐘。」
樓主事後補充，已就事件向消委會作出投訴；而店方亦透過通訊軟件道歉，「透過WhatsApp 收到店方表示『感到抱歉』並『邀請帶同親友免費來享用同一餐種』的『道歉』訊息。」
帖文引起網民熱議，「冇150分鐘，建議報海關，違反商品說明條例」、「餐飯$1500，明明可以食2個半鐘，變咗淨係食個幾鐘，係我就嬲到癲咗即場嘈佢」、「店員理應比客人清楚幾點收喎，店員明知冇可能提供150分鐘，就應該先提醒客人，講last order時間好明顯係含糊其詞」、「全部都係晏晝落場前用盡辦法趕人走，之後可以hea番一個鐘」。
收藏
取消收藏
分享
