【點新聞報道】葵涌鬧市驚現童黨玩命高空擲物！日前，有市民在社交平台發文，指行經葵涌廣場附近的天橋底時，險被高空拋下的水樽砸中頭部。事件隨即引發網上熱議，不少網民狠批童黨行為危險，紛紛呼籲報警處理。
事主於Threads發文發相，鬧爆：「一出新都會門口，差啲就俾人高空擲物扑穿頭！」從事主上傳的相片可見，有一群青少年聚集在一條天橋上，其中有兩人更探頭出天橋圍欄向下張望，疑似在查看情況。另一張相片則顯示地面上躺着一個水樽，樽內液體疑因由高處墮下劇烈碰撞而產生大量泡沫。事主無奈質問：「請問呢班企喺天橋問人買唔買書嘅同學仔，可唔可以有返啲安全意識？」
事主其後補充指，事發時自己正趕時間，幸好無人受傷。但他強調，當時天橋底下人流極大，「有人煲緊煙，有人等緊燈由新都會行去葵廣，每個人都嚇一嚇，唔敢想像個樽如果係扑到人點算。」
帖文曝光後，隨即掀起熱議。大量網民紛紛留言怒轟童黨行為過分，並建議事主報警處理：「係我就報警」、「好彩冇事！真係要小心啲」、「條橋有冇CCTV？有就直接報警叫人查」、「999啦！咁大個人唔知高空擲物會掟死人嘅」、「報警吖嘛」、「仲要一字排開企喺地鐵站出口阻住晒」、「佢哋本身都阻街加滋擾路人，遊蕩罪加高空擲物，同葵廣冰糖葫蘆店童黨冇分別」、「上次已經試過一次，真係爭（差）一兩隻手指位就中咗阿伯個頭」。
（本文為作者觀點，不代表本媒體立場）
收藏
取消收藏
分享
