【點新聞報道】近年不少港人移民英國，惟回流話題時常出現。近日，有移英港人在社交平台發文，向網民求問現時移英港人回流香港的情況，坦言自己正考慮返港。帖文隨即引發網絡熱議，不少網民分享身邊人的回流經歷與切身感受。
該名移英港人在Threads發文，好奇詢問：「BNO過嚟嘅香港人，多唔多人回流返香港？知情嘅香港人想請妳（你）哋分享下。」樓主透露，自己近期有打算回港一趟，但亦直言會考慮先取得英國國籍再作打算，「就係諗埋入埋籍先走囉」。
當被網民問及為何動念回流時，樓主吐露在英生活的無奈與苦衷，坦言香港不存在歧視問題，反觀在英生活，「喺英國成日出出下街俾鬼仔撩（騷擾）」，令他大感吃力。
帖文一出，隨即引來大批網民留言討論，不少網民深有同感：「個個人情況都唔同，我就會返，每一日都好想快啲返去。英國最大嘅貢獻就係令到我覺得香港係如此咁美好」、「當你有咗想返香港嘅心，其實就會好想返去，利申過到嚟都識咗好多人返咗去」。亦有網民指身邊已有不少成功回流的例子，「我識嘅已經8個人返咗香港，佢哋都係頂唔順英國物價高、經濟差」、「支持，我已經返咗，琴日遇到個ABC話讀完書都想去香港搵嘢做，銀行戶口都已經開定」、「今年搬龍門，下年轉BC，會愈嚟愈多人走」、「身邊好多回流，有技能或專業人士，大部分已回流」。
有網民則細數在英國生活的昂貴開支與治安困境，直言當地的租金、水電暖氣費及日常餸菜開支高昂，加上治安欠佳、經常遇到歧視問題，令人不堪重負，最終選擇及早止蝕回流。
不過，對於回流與否，亦有網民認為每個人的際遇與考量各有不同，毋須過分在意他人眼光，指出：「要留嘅有1000個理由，要走嘅亦都可以有1000個理由，成年人嚟㗎啦，自己決定啦使鬼理人咩」、「有乜要分享，要走就走，自己決定」。
（本文為作者觀點，不代表本媒體立場）
收藏
取消收藏
分享
