【點新聞報道】早前曾有遊日旅客在社交平台發文，指在便利店購物時遭店員不禮貌對待，結賬期間對方不但發出不耐煩的「嘖嘖」聲，更輔以肢體動作，令人大感冒犯。未料，近日再有遊客於東京遇到類似事件，事主憑藉網民教路一招現場即時反擊，令原本態度惡劣的店員當場服軟並道歉。
事主於社交平台Threads發文，揶揄「日本便利店，我終於見識到傳說中嘅『嘖嘖店員』」。其透露，上月於東京旅遊期間，因步行太累而走入一間便利店購買飲用水及飯糰。事主指，排隊時一切正常，惟輪到自己到櫃枱前時，「店員個樣已經開始唔對路」。
據事主憶述，當時店員看了他一眼後，隨即發出「嘖」一聲，又將飯糰大力丟到掃碼機，緊接着再用手指把飯糰「彈」開。事主坦言：「我仲未反應得切，佢已經將枝水『嘭』一聲放喺枱面，成個過程冇講過一句話，甚至冇直視過我。」
面對店員無禮舉動，事主當下感到錯愕「呆咗兩秒」，隨即想起此前有Threads網民分享過類似情況的反擊招數。事主未有選擇忍氣吞聲，而是即時看着該店員的名牌，並以日語冷靜質問：「唔好意思，有咩問題嗎？」
店員聽到後頓時愣住，態度隨即出現180度大轉變，更細細聲向事主道歉「非常抱歉」，隨後將貨品妥善裝袋。事後，事主感嘆：「原來網友（網民）教嘅嘢真係work，只要你唔縮，佢哋就會縮。」
帖文曝光後再度掀起網上熱議，不少網民分享類似遭遇，直指當地服務質素今非昔比：「而家東京超多呢啲」、「日本啲店員態度真心有問題，尤其去到啲免稅counter，好似欠咗佢哋咁，唔想做就咪做啦，唔使同佢哋客氣」、「試過喺大阪食嘢，啲嘢係掉（丟）出嚟嘅」、「話說，有一次喺沖繩百年古家大家食嘢，個staff又係串到x，之後聽到同行中有人同佢講日文之後，態度180轉變」。
亦有網民批評類似不友善事件，「其實反擊恐一恐眼神佢哋已經驚，佢哋覺得好多人唔會反抗」、「欺善怕惡」、「日本人真係好莫名其妙，又要恰你又要少少嘢即刻縮」。
此外，另有網民表示事主的處理手法溫和，「有cam有時間，記得去總部投訴，歧視外人成咁！右翼抬頭好難搞」，「你太有禮貌啦，直接『何？問題ある？』佢」、「直接はぁ佢就搞掂，唔使咁有禮貌」、「識日文就有機會投訴，就係咁簡單」。
收藏
取消收藏
分享
