【點新聞報道】《夫妻的博弈》五位演員包括高海寧（高Ling）、馬國明（馬明）、郭柏妍、何廣沛及鄧智堅接受《一周星星》主持許文軒訪問。高Ling自爆拍捉姦戲時出盡全力，完後自覺沒了半條人命。
高Ling在劇中飾演憑預知夢改寫命運的女強人姜幸如。她坦言其中一場發現閨蜜郭柏妍與男友張頴康出軌的戲份感覺如「冇咗半條人命」：「中間有一Part我要打你（郭柏妍）個頭，我係冇留力㗎，因為真係好傷心呀，傷心到嗰下所有情緒爆發出嚟。」郭柏妍則表示當時太投入：「我已經唔記得嗰一下畀人打得好勁。」
何廣沛罕有公開自己有先天聽力問題。他坦言平時需戴助聽器，但拍劇時無法佩戴：「若對手站得較遠，我就會聽不到對方說話。」為此他下足苦功：「拍戲嗰陣要好專心，唔會玩任何嘢，仲要背埋人哋啲尾句，背曬所有嘢囉。」
節目又翻出郭柏妍昔日自爆是「A0」（從未拍拖）的片段，她先嘴硬稱「冇喎，我講事實呀」，隨即尷尬大叫「死啦，好難搞呀」、「我冇講大話㗎！」全場爆笑，幸有高Ling出口解圍。
高Ling坦言公司雖有很多好男人，但不想跟行內人拍拖：「好想喺工作之餘嘅時間，想做番一個平常人。」此時節目播出洪永城預錄片段，自爆曾推薦幾位男性朋友給她但「麻麻哋」，高Ling即緊張澄清「絕對冇啲咁嘅事」，並稱馬明可做證人。
有「圈中好男人」之稱的馬明自爆將出糧戶口加了太太湯洛雯和媽媽的名字，財政大權由兩人共同管理，震驚全場。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
