【點新聞報道】近日，有食客於元朗一間餐廳用餐時，點了一碟售價為29蚊的「七彩炒米粉」，惟菜品上枱後，卻發現整碟米粉「只有蘿蔔絲和米粉」兩種食材。在食客大感不解之下，遂於社交平台發文向網民求教，引發熱烈討論。
該名食客在Threads上載相片，並配文道：「呢碟嘢叫七彩炒米粉（$29），如果係你，你會出聲反映定照食？」事主透露，當時曾即時向餐廳職員查詢該菜品是否正常，惟對方回應道：「係呀，係咁㗎。」
從事主上傳的相片可見，該碟「七彩炒米粉」除了米粉外，就只有少許紅蘿蔔絲。而該食肆點餐小程式的菜品宣傳照上顯示的圖片，亦同樣只有紅蘿蔔絲與米粉，與實物幾乎完全一致。
帖文曝光後掀起網民兩極討論，部分網民表示餐廳並無欺詐：「本身張圖都只係蘿蔔絲齋米（粉），可以點」、「都同圖片差唔多嘅」。有網民則質疑該菜品名不副實，直言：「一隻橙色（紅蘿蔔）點可以叫七彩呀？商品說明條例追究啦！」、「好多酒樓依家都係炒到咁，飲茶無叫好耐，落手自己煮都無咁嬲啊」、「違反商品說明條例！告去食環」。
不過，有位網民貼出一張「七彩炒米粉」相片作對比，指出正常做法至少包含雞蛋、芹菜、火腿及紅蘿蔔等四種或以上食材，「咁佢幅相又真係冇呃你嘅，但七彩炒米粉應該係咁」。
此外，另有網民搞笑留言：「就係預咗炒出嚟俾人x到七彩，先叫『七彩米粉』，係行為藝術嘅一種」、「個廚（師）叫七彩」、「你只係點咗色盲版」、「用三菱鏡（三稜鏡）就會分到顏色」。
（本文為作者觀點，不代表本媒體立場）
收藏
取消收藏
分享
