【點新聞報道】英國倫敦治安出名麻麻，特別係有唔少路邊或地鐵出現的搶手機賊。有移民英國的港人發文指自己在市中心被人搶手機，仲當面被羞辱兼退貨，原來賊仔見到是iPhone 13時，即時掉返落地。有網民留言笑稱「傷害性不大，只係侮辱性太強」！
話說倫敦街頭的搶匪搶手機會先睇牌子，如果拎住部iPhone，恭喜你，你係獵物。該名移英港人在社交平台Threads發文憶述被搶過程，「喺central london俾人搶咗電話 然後見我係iPhone 13又掉返落地」。
查實樓主已經有用手機掛繩，但都不堪一擊，「我係喺已經有phone strap嘅前提下俾人搶咗電話，因為佢用力扯個nylon tab位就斷咗（即係塞入電話殼嗰拂 唔係條繩本身）」。最後樓主提醒不要在街上玩手機，「最緊要都係要忍住非必要唔好喺街上面玩電話」。
帖文釣出不少苦主分享被搶手機的經歷，「24年係Leicester Square 我部iPhone 13都係搶左轉個彎即掉」、「前年iPhone 14 喺central London 被偷，即刻用iPad lock機」、「我friend 都係central london比電單車搶，結果條strap太實淨果成個人比佢拖跌咗，手手腳腳損晒，部電話無事，不過佢入咗廠...」。
另有網民幽默留言，「傷害性不大，只係侮辱性太強」、「好傷佢（部電話）嘅自尊心喎 ……」、「如果冇掉爛係開心事。同埋簡直係最好嘅iPhone 13廣告稿！」、「我安卓機相信的賊都冇乜興趣」、「睇完呢篇文之後，我部13 Pro又可以再戰10年」。
（本文為作者觀點，不代表本媒體立場）
收藏
取消收藏
分享
