【點新聞報道】日前有市民於糖水舖食糖水時，遇上一名自稱「白龍王信徒」的中年女子，不僅豪爽請全場食客食糖水，更即場向現場10名食客每人派發500蚊紙幣。然而，面對突如其來的「天降橫財」，事主與現場食客卻因擔心款項來路不明而不敢收取，事後於網上發文分享經過，隨即引發網民熱烈討論。
據事主於社交平台Threads發文，指當時在糖水舖用餐時遇到該名中年女子，對方聲稱自己是「白龍王信徒」，並表示因為「發咗達開心要派錢」，隨後向現場10名年輕食客每人派發500蚊並免費請食糖水。從樓主上載的相片可見，餐桌上除了糖水菜單外，還放有兩張500元紙幣。面對中年女子的奢靡舉動，現場顧客一時間不知所措，樓主坦言這是「第一次有錢都唔敢收」。眾人最終選擇將錢留在店舖，讓店方轉請他人或作捐款之用，樓主直言害怕「啲錢不明來歷，唔知有冇嘢依附」。
帖文曝光後迅速引發熱議，網民意見兩極。部分網民認為樓主與現場顧客過於敏感，笑言白白錯失橫財，「信則有，不信則有500」、「糖水舖成最後贏家，估唔到全場都傻嘅」、「有錢都唔識執」、「唔執就真係弱智啦」。
然而，亦有大批網民力撐樓主的做法，認為「捐咗佢好，無功不受祿」、「傻嘅先會要！」。更有人提醒，此類突如其來的贈款可能帶有風水玄學風險，「拎咗呢啲錢，分分鐘會受咗當事人業力或劫，唔知有咩後果」、「好多人未明『貪字得個貧』嘅道理。內地呢幾年多咗『散錢換命』，多數係一百至一千面額，每個人執啲分擔，小心駛得萬年船」、「掂到都怕惹到邪氣，不（唔）掂就安全」。
此外，留言區有不少網民分享曾經遇過類似免費派錢的奇人奇事經歷。亦有網民持懷疑態度，表示「係咪廣告嚟，等人日日走去食糖水等白龍王姐姐」。
（本文為作者觀點，不代表本媒體立場）
收藏
取消收藏
分享
