【點新聞報道】不少港人家庭會利用小朋友，作為美化移民動機的「擋箭牌」！有從英國回流的港男發文表示，有高薪厚職的朋友聲稱為了兩名小朋友，在港賣樓、辭職，計劃全家下個月移民英國。樓主就再三提醒移民要三思，「英國生活好辛苦，要有心理準備」。
該名回流返港的港男在社交平台threads發文表示，有朋友計劃全家移民英國，向他諮詢意見，「返咗香港後一個唔係好熟嘅朋友約我出嚟食飯，話我知佢全家下個月就移民英國，問我意見」。
不過，其實只是走過場，問問而已，指對方早已計劃好，賣樓、辭職，搵定落腳處及學校，「其實佢哋都決定咗，賣咗樓、辭埋職，為咗2個小朋友」、「佢哋打算落腳倫敦西北，話學校好，已租好屋，又有朋友住附近」。
樓主先送上祝福，但後來在傾談間，得悉對方兩人原來是高薪厚職、大公司的管理層，屋企仲有兩個工人服侍時，便禁不住出言提醒，指「英國生活好辛苦，要有心理準備」。樓主認為兩地各有各好，「其實世界咁大真係要出去睇下，唔啱既隨時回流，冇話得失，好似鹹水魚一定住喺海，如果夾硬住喺淡水湖，都唔適應。」
事實上樓主早前亦曾發文提及過回流原因，「唔知幾時開始，留係英國有種坐監嘅感覺......，英國風景係好靚，但物價高，稅高，公共服務效率低，過咗移民新鮮期，剩下可能係厭惡感。」
不少網民對該家庭移英的前景並不看好，「好俾我批中，呢類人去到英國九成會Ｘ晒鬼嫌三嫌四，唔會接受到英國人嘅生活方式，Passport 到手就會雞咁腳走」、「到呢刻仲問朋友意見得兩個可能，一係演嘢、二係傻西」、「冇得請工人要自己做家務一定好快頂唔順」。
（本文為作者觀點，不代表本媒體立場）
收藏
取消收藏
分享
