【點新聞報道】英國社區童黨橫行，不少移民英國的港人就投訴暑假期間，青少年由於不用上學，街頭的童黨聚集與滋擾情況顯著增多。一名移民港女憶述，曾目擊有童黨欺凌亞洲女子，雖然有途人出手解圍，但卻被一名冥頑不靈的悍婦反斥恰細路，最終港女加入戰團，一問對方是否種族歧視時，悍婦連同一班童黨立即笠水走人。
英國童黨問題嚴重，不但會動口更會動手，他們會圍人、搶人、掟石仔，甚至火燒垃圾桶。該名移民港女在社交平台threads以「英國版『他還只是個孩子』」為題發文，指，青少年聚集擾民，其實好多都是家長造成，指「我係到真係見到好多小朋友，係垃圾家長翻版」。
樓主分享一單幾年前目擊的事件，憶述當日見個英國男人訓斥一班青少年，之後悍婦反指責個男人恰細路，「我行去巴士站，見個英國男人鬧緊班細路。無啦啦有個阿毛走出嚟，指責個男人唔啱，話佢唔應該咁惡鬧『children』（如果望落有15歲都係嘅話）」。
但原來事件起因是童黨欺凌亞洲女子，男人見狀才出頭，不過悍婦就護短，「係班細路蝦緊一個亞洲女仔，攞樹枝丟佢，又作狀嚇佢。個男人見到就幫手鬧，但條盲毛仲狂話係個男人唔啱，而且他們只是個孩子，所以要包容。」
樓主睇唔過眼，挺身而出，出言教訓悍婦和童黨，「見佢哋開始不敵，我就抵唔住頸要幫口，我串佢係仁慈嘅榜樣，聖母瑪利亞都要學習佢。我同班生蕃講，你地可以對阿毛做你地啱啱做嘅嘢，佢係唔會嬲既，因為佢係大人會包容你哋。」
悍婦惱羞成怒，將矛頭指向樓主，「之後個阿毛就轉移火力鬧我，佢就話我教唆班小朋友。」、「佢就癲咗咁猛重複，又鬧我bitch,f Chinese」樓主反諷說「原來你都知佢哋做緊壞事。」最後更一句直接KO悍婦，「我問佢係咪racist？再扮埋錄咗音同想報警，佢同班生蕃就一齊消失咗。」
樓主直指，該悍婦存心歧視，「根本個白人阿嬸就覺得個亞洲女仔俾人蝦係冇問題啦，你試吓整佢啲仔女睇吓佢有冇反應」，又指「呢種扮正義但要面既係好易對付，最怕個d係唔要面又唔怕死就好難搞。」
不少網民紛紛留言大讚樓主好嘢，「因為你拆穿佢係NIMBY同racist，呢啲聖母病永遠都只係慷他人之慨」、「樓主好勁！不過下次小心啲，班友仔唔知會唔會返嚟尋仇」、「做得好，學到嘢。用魔法打敗魔法」、「你講得好好，究竟啲大愛L幾時先發現啲垃圾係佢哋培育出嚟」。
收藏
取消收藏
分享
