【點新聞報道】藝人林盛斌（Bob）的大女林霏兒（Faye）打扮風格大膽，日前在社交平台大派性感福利，大晒澎湃身材，散發青春與性感的氣息，獲不少網民留言大讚充滿星味！
林霏兒日前在Ig上傳新一段的性感片段，片中可見她穿上淺黃色拼白色的Deep V蓬蓬短裙，舉手投足散發出少女甜美的感覺。她在片中擺出型格兼嘟嘴甫士，又將鏡頭拉近胸前，展現深V的設計，大方露出傲人身材，其澎湃上圍極具震撼。
不少網民紛紛留言大讚「好靚呀霏霏」、「黃色好蝦人着，妳都着得咁好睇」、「會唔會太靚？」、「點解可以瘦咗咁多」、「加油！支持你」、「最緊要開心」、「呢個打扮就似你小小年紀」、「好靚！保持好心態同狀態」。
早前林霏兒與妹妹出席電影首映禮後，因打扮風格遭網民批評，Bob當時火速開腔護女。林霏兒似乎未受負評影響，更親自拍片以將女孩比喻為鑽石：「你係一粒鑽石，鑽石係睇唔到自己發緊光……你會唔會見到粒鑽石喺咁多人批評之後變樣衰？No！我內心比你想像強大！」其成熟自信的發言贏得網民讚賞。
（本文為作者觀點，不代表本媒體立場）
收藏
取消收藏
分享
