【點新聞報道】黃大仙竹園南邨榮園樓，有工人在棚架上叼煙開工的照片被瘋傳。網民鬧爆「阿叔冇安全意識」、「點解仲要咁害人」。
有網民在fb群組「黃大仙區友(黃大仙，新蒲崗，鑽石山，慈雲山......)」上載兩張相片，指出現場是竹園南邨榮園樓，時間是昨日（4日）下午4時14分。從相片可見，大廈因進行外牆維修而搭建棚架，一名身繫安全帶的男工在高空棚架上，叼着燃點香煙開工，旁邊有冷氣機。目擊者批評：「仲唔汲取教訓」。
照片曝光後，不少網民鬧爆該名工人毫無安全意識，「投訴佢啦，血的教訓。點解仲要咁害人」、「阿叔冇安全意識」、「有冇咁X鍾意食煙呀，收咗工返屋企咪食X飽佢囉」。
《建築地盤全面禁煙法例》上月17日生效，違規吸煙可罰3000港元。
（本文為作者觀點，不代表本媒體立場）
收藏
取消收藏
分享
