【點新聞報道】移民他國，往往由零開始重新適應，說到底並不容易。不少移英港人連生活習慣亦隨之而改變，有人變「宅」，有人連洗頭都懶得洗，衫都懶買，街都懶得出，出街都慳錢唔外食。
一名移英的港女日前在社交平台threads以「移英生活」為題發文圍爐，問「移英嘅朋友，依幾年有冇咩生活習慣改變咗？」她率先自爆洗頭的頻率愈見疏落，「我由5年前仲會每日洗頭，變成隔日洗，依家係一星期洗2次頭」。
不少同路人留言分享自身轉變，有人變「宅」在家中，「以為鍾意出街無事四處逛，初到貴境繼續，慢慢變成一個宅人鍾意留喺屋企」、「（以前）日日要躝街shopping！去個超市、食個lunch都好！宜家變咗I人，唔想出街，鍾意屋企煲劇、自己煮嘢食～」。有人愛上在家種植，「以前好怕蟲，但自從在花園種菜後，現在可以在花園徒手捉鼻涕蟲、蝸牛，和拉開花盤底抓蚯蚓放入盤」。
英國生活成本高，有人慳家減少消費，「買少咗野，不論衫褲鞋襪，定生意無聊嘢」、「食少咗嘢，返工lunch好似d英國人咁求其食一餐。英國食物又貴又少又難食，而家used to skipping meals」、「10幾鎊食個飯盒，份糧又少，下午3點開始肚餓，唯有捱到夜晚食飯」、「少咗出街食，多咗自己買餸煮飯」。
不過，最多網民討論都係洗頭和洗澡的頻率，「我都兩至三日洗」、「2-3一次因為呢到真係好乾爽」、「以前香港每日洗兩次, 變咗而家每日洗一次」、「冬天就兩日，夏天就隔日，個人認為洗得多啲頭髮好乾同毛燥」、「呢度空氣咁乾淨（倫敦除外），又乾，真係唔使洗咁多頭。對頭皮對頭髮都唔好。一方水土一方人，去咗第二個地方識到嘅調節係需要嘅。」、「如果WFH，我都變咗隔日洗！還有，出街着啲衫，以前會只着一日。依家冬天啲衫褲（外着）會着2次先洗。」
（本文為作者觀點，不代表本媒體立場）
收藏
取消收藏
分享
