【點新聞報道】愛老敬老護老是美德。近日有網民在社交平台發文指，在港鐵站目擊一名長者攜着大件行李落樓梯，疑因太重舉步維艱，尾隨年輕男生見狀主動上前幫手拎行李，事後默默離開，望着該名見義勇為青年的背部，不禁形容為「今日最型嘅背影」。
該名網民在社交平台threads發文憶述，日前到港鐵深水埗站，發現一名老人家因行李太重，青年見狀二話不說上前幫忙，「喺深水埗c2出口位，見到個靚仔，望到一位老人家，拎唔到行李好重，咩聲都冇出直接幫老人家拎住個行李就行落去，然後默默離開」。樓主大讚青年無聲助人的舉措，「我願稱該名靚仔嘅背影係今日最型嘅背影」。
樓主表示，尊敬所有願意幫助陌生人嘅朋友。從其上載的相片可見，該白衣青年左手拿着行李落樓梯，長者緊隨其後，青年之後逕自離開，兩人全程並沒交流。
帖文旋即引起熱議，不少網民讚揚相中青年「乖仔」、「好有家教」、「有質素」、「有教養」、「好人有好報」、「善行要表揚」、「用心幫人不需回頭」，並笑言是「用背脊做善事」。
另有不少網民分享助人經歷，「我都幫過好多次，助人為快樂之本」、「原來好多人都會咁做，我試過幫伯伯攞嘢由輕鐵站上到佢住嘅樓層，佢話要畀100蚊我飲嘢，我話唔使喇，但下次唔好一次過買咁多嘢，唔係次次都有人幫到你」。
不過，亦有多人提點幫人之前「最好問一問」，「有啲人好敏感以為你唔知做乜，又有啲老人家覺得自己好勁，唔使你幫手，可能會鬧番你轉頭」、「驚老人家以為搶佢行李呀，問句可以避免爭執」。
（本文為作者觀點，不代表本媒體立場）
收藏
取消收藏
分享
