【點新聞報道】香港茶餐廳有很多獨特的潛規則和文化，有網民近日發現有茶餐廳出招，淨食唔叫飲品要強制加收10蚊清茶費。帖文引起網民兩極反應，有的認為對這項收費十分趕客，有的認為是不想食客強霸着位子而已。
有網民在社交平台fb專頁「香港茶餐廳及美食關注組」發文寫道：「繼茶餐廳淨飲雙計後，現在進化到，淨食要罰十蚊。」從其上載的照片可見，餐廳牆上有一項標語寫明：「不叫飲品，例定飲清茶10元，食物照計。」
以往茶餐廳普遍實行「淨飲雙計」，指顧客如果只叫飲品而沒有點正餐食物，結帳時計費時須收取雙倍價錢；而這間茶餐廳的新規定，是就算顧客點了正餐食物，如果唔另加點飲品，都要被強制加收10元清茶費。
不少網民對這項收費甚為反感，「點解我食嘢唔可以唔飲嘢呢？我一碟飯個價錢，會少過你杯嘢飲？」、「冇嗌嘢食就話啫，嗌咗都要罰十蚊，Ｘ街啲喎」、「不如入場先交低五十蚊按金吖笨」、「如果佢定『人均最低消費』會好睇啲囉！宜家咁樣寫顯得好小家」、「喺香港消費完全係智商稅，又要受氣！」、「香港人北上消費唔係無原因。」
不過，有網民為茶餐廳平反，指由於店舖面積狹窄，餐廳才訂下這規矩，「間嘢開咗幾十年個牌一直喺度，而家先拎出嚟講。因為有蛋撻麵包西餅等小食，唔想啲客淨係坐低食一個蛋撻（可以外賣），加上舖細位窄所以先有個咁嘅告示，落單時夥計亦會提示須叫套餐/ 跟飲品，淨飲係冇雙計」、「呢間茶餐廳幾十年前已經係咁做，唔關北唔北上事，因為佢地啲菠蘿包、撻、蛋糕都好多人買，人哋係防止你食個撻坐成日啫」、「呢間灣仔茶餐廳好多年前已經係咁，都係勸喻啲人叫嘢飲～唔算罰錢，當係杯茶收$10」。
（本文為作者觀點，不代表本媒體立場）
收藏
取消收藏
分享
