【點新聞報道】俗語有話「反轉豬肚就係屎」，有移民英國的港男發文大呻，當初好心引薦同路人入公司，以為同聲同氣會互相照應，點知卻好人無好報，「最後喚背後篤你、陷害你嗰個，偏偏就係佢」。
該名移英港男在當地任職油車司機，平日會分享英國貨車真實日常。他日前在社交平台threads發文大呻畀同路人過咗一戙，「嚟英國幾年，我學識咗一樣嘢 : 真係唔好隨便介紹自己人入公司做嘢。你以為大家同聲同氣會互相照應，點知最後喚背後篤你、陷害你嗰個，偏偏就係佢。」
樓主指該同路人表面上積極上進，背後就打小報告，「佢返工表面上超級勤力，乜都要搶住做、乜都要做得好過你。我嗰陣星期五冇乜嘢做，公司通常都會畀我早啲收工。點知佢竟然同公司講我『冇嘢做』搞到公司安排多啲工作畀我。」
樓主又指對方愛搞小動作，「佢入公司之後，因為自己架車盞燈壞咗，竟然直接拆咗我架車盞燈，裝落自己架車度，最後留返架壞車畀我。」
樓主指對方妒忌與眼紅，見不得別人好，「有一次，佢攞咗我部工作車去用，遲遲都唔交返畀我，搞到我當日做唔到安排好嘅工作。公司畀咗架新車我，而佢自己揸緊架舊車，佢又極度鍾意貨車，所以就霸住我架新車唔還。」結果令工作進度推遲咗一日。
樓主表示，其實之前已經因為公司一個白人同事嘅歧視問題，返工返得好唔開心。由於公司不滿樓主的工作表現，最後要接受正式聆訊。樓主慨嘆「完全冇諗過呢啲事會發生喺自己身上」。
不少網民笑樓主自己攞嚟，「無論喺英國定香港，介紹人入自己公司做都並非一個聰明嘅做法」、「又要再講多一次，幾熟都好，唔好介紹人入自己公司。我理得佢地無飯開」、「明白人性嘅醜惡，介紹人入自己公司做，基本上係必輸」、「遠離香港人是真理！」、「遠離香港人，生活更美好。」
（本文為作者觀點，不代表本媒體立場）
收藏
取消收藏
分享
