【點新聞報道】《大AL的音樂歷程》演唱會將於8月21日在數碼港商場中央表演場舉行，今日（27日）舉行招待會，圈中不少好友包括盧海鵬、夏韶聲、陳友、鄭子誠、謝雪心、姚正菁等出席支持。
大AL張武孝上台時，好友台下不斷歡呼拍掌，陳友更不時高呼演唱會日期和地點，認真老友。大AL表示新場地開個唱，笑言屬「熱身騷」沒賣飛壓力：「加場要睇場地有冇期畀我，依家我只係想享受舞台，做自己想做嘅事。陳友呢個係好兄弟，我未諗要佢幫手啲咩，我哋係好朋友成日去佢屋企食飯。」
大AL表示目前要在家練功，並笑言是「氣功歌手」：「因為我而家唱歌會同屋企人講『你哋去行街，我練氣功啦！』，其實唱歌都係練氣功嘅！」同場的姚正菁就自曝在大AL個唱「首唱」，她感到壓力已日日練歌：「我依家日日都搵韋綺珊學唱歌，老師都話我有進步嘅，不過要上舞台都係有啲啲驚，幾十歲人唔好理咁多啦，享受吓做新人嘅感覺，希望大家到時係掌聲唔係『柴台』啦！」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
