【點新聞報道】近日，有在日工作長達12年的港人在社交平台發文，怒轟日本職場的霸凌與小圈子文化，帖文隨即引發網民熱議，不少過來人紛紛留言大爆慘痛經歷。
樓主表示自己在日本公司工作多年，隨着年資增長，對日本職場的觀感反而「越來越差」。他直言：「在日本公司做得越久，就發現日本人真的是很OnX！」他指出，自家公司的日本同事極度喜歡搞小圈子、玩埋堆，「不入圈就會孤立你、玩職場欺凌」。樓主怒斥：「京都人係最陰毒，東京人係最虛偽。千葉人係鄉下仔，OnX又無腦，只有一個大阪同事係正常嘅。」
隨後，樓主補充其公司的霸凌現象與小圈子文化的細節。他透露，公司新來了一位來自千葉的「新老闆」，「一嚟到就要人擦佢鞋」。而原本與他有說有笑的京都女同事，眼見樓主不願埋堆，隨即展現「變臉」神技給他甩臉色。樓主坦言：「好彩我啲同事好多都不問世事，唔多理佢哋，反正個個都係等緊公司執笠。」
此外，樓主更揭露該名京都女同事的劣行。他指該女同事能力平庸，最近她所屬部門下屬全被解僱，業務轉移至內地，並在內地聘請新員工由她管轄。由於該女同事不懂普通話、無法順暢溝通，內地同事轉而向樓主求助。詎料此舉引來該女同事不滿，開始針對內地員工，甚至向內地人事部索取該員工的出勤紀錄報上合規部門（Compliance），讓樓主氣得痛罵「正X街」。
帖文引來大批網民熱議，不少人對樓主的遭遇表示認同與心酸：「越了解日本，就會越憎日本人。日本係一個好地方，但從來不包括日本人」、「日本仔喺店面、客（人）面前都會玩欺凌，有乜咁奇」、「美國好多靠老公移民再離婚嘅日本人，其實真係唔應該有濾鏡，鍾意日本文化唔代表要盲從」、「雖然我仲未入日本職場做嘢，但係我而家喺大阪讀緊書，我都認同京都人好L陰毒同好虛偽。成L日係咁陰陰嘴笑，轉過頭就會X口X面。」
亦有家庭主婦分享經歷：「我孩子喺東京德國學校時，日本媽媽都係咁，幫派圈子背後講人！所以我根本唔埋堆，獨來獨往！」
除了小圈子問題，不少網民亦歸納出日本職場的常見弊病：「1.講嘢最鍾意轉彎抹角兜一大個圈先講重點2.階級觀念勁重3.奴性重」、「日本人做嘢好死板，即係俗稱onX唔曉轉膊，階級觀念都好重，而且會將步驟複雜化，好處係detail、仔細、企理，但唔好處一堆，所以唔會揀日本公司做」、「做嘢慢唔識變動，乜X都中意開會，開完又冇結論」。
收藏
取消收藏
分享
