【點新聞報道】一連三場的《張敬軒UNPLUGGED 2第二樂章音樂會》昨晚（24日）於澳門揭幕。張敬軒（軒仔）這回褪去所有浮華裝飾，以最純粹的姿態與樂迷進行一場私密而真摯的音樂對話。整晚驚喜不斷，他不僅向中學時期啟蒙他的「滾石唱片」致敬，翻唱多首經典金曲，更毫無預警地首唱從未派台的全新作品，並現場播放MV，令樂迷感動又興奮。
音樂會開場，軒仔先帶來一段沉浸式行為藝術體驗。開唱後，他感性解釋演唱會的初心：「好開心，呢個演唱會可以喺17年之後、喺就嚟打風嘅weekend舉行。」他坦言，這些年來馬不停蹄地做演唱會，今次只想忠於自己，做一場喜愛的表演。「今晚可以話係一個好private嘅concert，我淨係想要一個好好嘅舞台、好好嘅配套、好好嘅音樂總監，同埋好好嘅觀眾，安安靜靜、好放鬆咁樣唱嚇歌。」他更笑說：「終於有一個演唱會係冇珠片、冇閃石嘅衫，呢個show簡單啲，希望大家唔好介意。」
音樂會的重頭戲之一，是軒仔與樂迷分享他的音樂成長旅程。他提到自己是超級樂迷，成長時期最沉迷的正是音樂廠牌「滾石唱片」：「佢有好多我好鍾意嘅歌手——哥哥張國榮、林憶蓮、辛曉琪，同埋我嘅偶像李宗盛先生。以下呢個Chapter，我將佢命名為『我的滾石時代』。」在獻唱林憶蓮的《不必在乎我是誰》前，軒仔深情表白：「呢首歌細個聽冇乜感覺，只係覺得melody好靚，但每一次我都唱唔曬。希望今晚可以忍住眼淚，完整唱曬佢。」隨後他一氣呵成演繹《明天我要嫁給你》《飄洋過海來看你》及《愛我別走》，引來全場和唱，場面溫馨。
Encore環節，軒仔再度現身，觀眾即時瘋狂呼喚加場，他笑言：「我都唔知幾時可以有啲show係冇encore，哈哈。你哋早啲返屋企瞓，不過咁耐冇見，大家肯聽，我都肯唱。」當全場高呼要聽新歌，軒仔即場宣布首播新歌MV，更透露每晚都會唱一首不同的新歌。
正當氣氛高漲時，軒仔收起笑容，分享《靈魂相願》背後的沉重故事。他指2024年初自以為是全世界最幸福的人，豈料卻迎來人生最大考驗，那年他經歷了兩大打擊：「第一個，係屋企最後一隻寵物、陪伴我喺香港多年嘅貓貓Leslie走咗；到年底，我哋英皇娛樂嘅CEO Shirley，一個好似屋企人嘅Mother Figure，亦都離開咗。」他坦言去年初一片茫然，直至完成上次澳門演唱會後，休息良久，才敢「喺回憶嘅櫃桶攞返一啲要去處理、面對嘅情緒出嚟。」這首歌他一直不敢打開，最近與填詞朋友因類似經歷，才合力將情緒化成旋律。
軒仔寄語：「人生最大嘅課題，就係學識喺長大過程中，慢慢同最愛嘅人、最愛嘅事say goodbye。情緒痛苦，但當我哋面對、釋懷，就可以化為另一種能量。」隨後他以幾近哽咽的聲線唱出《靈魂相願》，全場鴉雀無聲，沉浸在他最真摯的情感中，不少樂迷默默拭淚，為這場音樂會留下深刻而動人的句號。
（點新聞特約記者陳惠芳報道）
收藏
取消收藏
分享
