【點新聞報道】近年不少港人選擇移民海外，適應當地生活、文化成為他們的一大課題。近日，一名移加港人在社交平台Threads發文，感慨自己以前在港時工作極有幹勁與目標，但在移加後，心態卻逐漸出現巨大轉變。由起初抗拒當地的「Hea文化」，到最後選擇「入鄉隨俗」全面躺平。
該名移加港人在Threads發文，指自己「近排越嚟越識得接受加拿大嘅hea」。他坦言昔日在香港工作時十分拼搏，「如果問我咩三年、五年、十年後職場上會係點，我一秒答到我嘅路線圖，係辛苦，但係好有成就感」然而，來到加拿大後，他發現現實環境根本無法讓人拼搏，「加拿大冇得搏，因為根本冇嘢做。」
樓主補充指，在當地職場若試圖爭取升職或承擔更多工作，最終換來的只會是工作量翻十倍，但薪水只升一點點。樓主坦言無論過三年、五年還是十年，工作現狀都難有實質變化，他表示：「唔會再諗將來，只focus喺依家得過且過。」
為說明當地的職場風氣，樓主列舉了同事日常工作表現。例如，一個星期能做完的事情，說要做一個月。又或者是，開會時「一係唔講嘢，一係講廢話，千祈唔好提出新idea。」甚至早上收到的郵件，下班前一分鐘才回覆。樓主批評，「人哋話做咩我就同意，阿媽係女人嘅嘢都要問幾個人」，樓主坦言上述行為全都是當地同事的真實寫照，其更感嘆「傻嘅先會搏出位」。
樓主透露，自己花了很長時間才平衡好心理狀況，但如今已慢慢接受，「依家開始覺得，咁都幾好。抵抗唔到加拿大嘅hea文化，就加入佢哋。」他更笑言自7月開始公司就再沒開過會，「下一次開會係9月，email幾日一封，個個同事都消失晒。」
帖文隨即引發熱議，許多同路人贊同樓主的看法，直言：「同意！依家已經變成嗱嗱臨做完份內事然後hea，做自己嘢。反正再勤力，升職都未到我。望下公司org chart，高層全部都係白人嚟就知咩事」、「Yes yes yes，絕不落力，提早收工，間唔時交下功課，走人」、「加人工又會跳tax bracket，無晒govt benefits，出bonus，一定無咗一半，買嘢食飯又要俾稅，所以升職加薪根本唔吸引。早D收工去玩，去camping，去旅行好過」、「做太快會打亂同事嘅節奏，會變成culture killer，喺加拿大攪culture係大忌，我哋要尊重唔同culture，所以唔好做太快」、「要學識由七月開始，知大家就快放假，你要雙倍hea做」。
有網民則揶揄，「好彩無過去」、「我會覺得係另類控制人民思想嘅方法」、「this is canada」。
收藏
取消收藏
分享
