【點新聞報道】馬路炸彈實錄！有網民分享一段恐怖乘車經歷，指一名的士司機竟在行車中同樣一邊駕車一邊睇「廢片」，對此感到十分憤怒，話「唔怪得的士咁L多意外」。帖文一出，不少網民鬧爆司機罔顧道路安全。
該名網民在社交平台threads發文，公審一位的士司機，怒斥「好心就專心揸車啦，一邊揸車，一邊睇住啲大陸廢片，唔怪得的士咁L多意外！」從其上載的影片可見，一名白髮年長的士司機，竟一邊開車接載乘客，旁邊架置的手機疑似播放着影片。雖然司機當時並沒有分心看手機，惟駕車期間，不應讓手機播放影片，以免分心釀成意外。
帖文一出，不少網民鬧爆司機行為，「阿伯起碼70以上」、「學定棺材DIY，終身學習值得尊敬！」、「呢啲司機，造成自己行業唔專業！」、「都唔知呢啲廢片有乜好睇」、「香港服務業質素越做越衰，個司機年紀望落都唔細，乘客坐的士真係搵命搏！」。
有網民建議樓主作出舉報，「可以舉報司機」、「1823做佢，老危」、「夠晒料做佢啦」、「拎條片報警啦」、「政府立例公共服務嘅司機，不能在有客情況下睇手機，就算hand free都唔可以。其實開緊車，根本就唔應該搞手機。」
（本文為作者觀點，不代表本媒體立場）
收藏
取消收藏
分享
