【點新聞報道】曾比特（Mike）全新廣東歌《你所打的號碼暫時未能接通》正式推出，MV邀得同門師妹劉紜蔚（Vivian）擔任女主角，二人在電梯內上演一場甜蜜對手戲，豈料拍攝期間竟有途人亂入，令原本浪漫的場面瞬間變成爆笑現場。
Mike透露，最難忘一幕正是電梯內的戲份，劇情要求Vivian將他拉近，營造即將親吻的曖昧氛圍。豈料其中一個take，兩人剛湊近之際，電梯門突然打開，門外站着兩位路人，全場即時尷尬到極點。雖然兩位途人眼見正在拍攝，仍照樣步入電梯一同乘搭，最搞笑的是他們全程喋喋不休，其中一人更盯着Mike連聲大讚：「嘩！你好靚仔喎，係咪日本人呀？你邊度人㗎？真係好靚仔！」後來才發現二人搭錯方向，落到最底層臨走前仍追問：「我唔信你係本地人，你一定係其他國家嚟嘅，你好靚仔呀！」令Mike哭笑不得。
新歌上架後，Mike在Ig自嘲「諗歌詞入面嘅爛gag嘅能力退步咗」，被問到現在想通了嗎？他直認：「仲未諗到呀！」不過同事和朋友都提供了不少靈感，他笑說：「我發現自己真係唔太適合行爛gag路線，所以決定轉型，走番型男、靚佬路線。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
