【點新聞報道】為增加收入來源，近年不少大學生或擁有高學歷的人士均積極尋找副業，其中考取保安牌照或的士牌照成為熱門選項之一。近日，有網民於社交平台上分享自己親身駕駛的士長達一年半的實際感受，指出雖然收入確實可觀，但最終仍然選擇「果斷斬纜」，並以過來人身份勸喻有意入行的新人必須審慎考慮，事件隨即引起廣泛討論。
該名網民在Threads發文，憶述當年揸的士的體會，坦言若單純從金錢角度出發，「的士收入的確比一般part-time吸引」。他公開實際營運數據，指每日「錶頭數接近$2,800，扣除皮費，每日淨入$1,700 - $2,000係基本，勁嘅師兄甚至做到日賺$3,000」。他更透露，業內其實有不少高學歷從業員，「我識過有啲考緊bar exam（大律師資格考試）嘅人幫補生計，唔想令屋企人擔心而揸草蜢（新界的士）特更（開足24小時）嘅人」。
對於外界經常以負面標籤形容的士司機，他認為行業內的確存在不少態度欠佳的從業員，工作時「有八成時間其他的士司機都係唔讓、篤油話知你」，而濫收車資、繞路及態度惡劣的情況亦屢見不鮮。然而，他同時強調亦認識許多「心地比Banker簡單，純粹熱心分享遭遇、不求回報」的好司機，認為不宜以偏概全。
既然收入理想，為何最終仍選擇退出？該名網民直言，背後涉及的風險遠不止於交通事故或人身安全等表面問題，許多隱藏的後果甚至可能影響終身。他解釋，「為咗幾千蚊去搏自己未來嘅前途，包括張Cert同個專業牌，計計數就開始feel到真係唔係好襟計」。他指出，長時間駕駛特更只會令身體和精神陸續出現問題，「穩定產生1700-2000/day，而且可以保持完全零意外，暫時我未見過」。他更自嘲是反面教材，「搏命諗住搵多幾百，通常為咗呢粒糖好易出事，到最後賠返幾萬」，認為「真係唔需要為咗啖氣想Maximize呢段時間嘅return，而犧牲咗自己嘅健康」。
帖文隨即引來大量網民回應，不少業內人士質疑其收入說法過於樂觀，認為要達到日賺3,000元至少需要連續駕駛17至18小時的特更，換算行車里數高達500公里，長遠計算下根本虧損嚴重，亦非一般人能夠承受。另有網民批評其對意外的看法，指「九成半意外源於態度」。該名網民對此只能無奈感嘆「只係夏蟲不可語冰」。亦有同行搖頭嘆息，指這種高強度駕駛模式代價沉重，「分分鐘賺嚟啲錢只可以攞嚟做醫藥費」，根本不值得為區區數百元而損害健康。
不過，亦有大批的士司機現身支持樓主說法，有人分享自己曾連續駕駛12小時，「返屋企食飯攰到屋企人點摟我傾計都無反應」，現時無論生意多好也會堅持「落地食飯」。亦有人無奈表示曾因官司「交咗五位數學費」，甚至有人花上六位數字也無法解決問題。
不少資深司機提醒新人，於繁忙時段「唔好嘥時間排站，揀嘢做，拒載，避塞車係必須」，同時亦不建議胡亂使用叫車應用程式。樓主亦分享自身避險心得，指「每次落客第一件事就係擺返隻暫停接客牌仔就可以避免法律風險」，另有司機提醒早更時段必須「落車給自己回氣」。
收藏
取消收藏
分享
