【點新聞報道】草蜢日前為「2026中華職棒明星對抗賽」擔任壓軸嘉賓，連續兩周兩度登上台北大巨蛋舞台，創下組合演出新紀錄。他們一連獻唱《失戀陣線聯盟》、《半點心》、《寶貝對不起》及《忘情森巴舞》四首經典金曲，瞬間將五萬人大球場變身狂歡派對。
開場以《失戀陣線聯盟》引爆全場，惟演出期間耳機突然失靈，三子聽不到音樂，卻憑深厚舞台功力和默契完成首曲。蔡一智事後笑言：「好在以前我哋走遍世界做過大小演出，少少意外難唔到我哋三個，呢啲就叫『老的辣』！」趁工作人員修復耳機的空檔，阿智把握機會隔空向「台灣隊長」陳傑憲「求簽名」：「剛才有位我好欣賞嘅球員，就係陳傑憲先生！如果佢有空，可唔可以簽個波畀我？我會覺得係今日最榮幸嘅事！」陳傑憲亦「有球必應」，火速送上親筆簽名棒球，草蜢興奮高舉戰利品，阿智更笑稱要「鑲起佢」。
隨後《寶貝對不起》前奏響起，五萬名觀眾自發亮起手機燈，大巨蛋化作璀璨星河，場面震撼。阿智感動說：「上個月我哋喺小巨蛋開騷，希望將來有機會踏足大巨蛋。頭先見到全場一齊大合唱，手機燈亮起嗰刻，好似去咗南極睇滿天星，好靚、好溫暖，多謝大家嘅掌聲，我好享受！」
三子更邊唱邊沿場狂奔一圈，盡情感受粉絲熱情。蔡一傑興奮表示：「跑勻成個大巨蛋，每個角落嘅Fans力量都收到晒！」蘇志威亦大呼：「5萬人歡呼聲嘅震撼力真係好犀利！」
草蜢透露返港後將全力投入新專輯製作及新歌錄音，同時為8月29、30日馬來西亞演唱會備戰。傑少更呼籲歌迷一齊Keep Fit練氣，約定大家在大馬及接下來的巡迴站再聚。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
