【點新聞報道】療癒系代表鄧小巧全新單曲《無時無刻》出爐，今次她再度親自填詞，將個人獨特氣息滲進每一句。
歌曲MV的拍攝地，竟源於一場「美麗的意外」。原來她本是去峇里島旅行，「寫Demo第一稿歌詞時，我寫嘅係『飛去峇裏』，後來至改做『吸氣呼氣』。既然咁啱去度，點可以嘥咗當地靚景？」於是即興將原定拍Vlog的計劃，升級為認真MV製作，更請來當地攝影師操刀航拍，捕捉稻田、椰林與叢林交織的私房美景，「我特登搵咗個冇咁多遊客、但靚好多嘅稻田取景。」
今次拍攝，老公「白先生」與經理人都一齊幫手，雖然辛苦，但小巧笑言寓工作於娛樂，更順便完成人生清單之一、與野生海豚同遊，「終於做到，真係好開心！」MV靈感圍繞「活在當下」：「無論風雨定晴天，路順唔順，都可以好好感受當下，所以MV有種上山下海嘅感覺。」
談及新歌，小巧說《無時無刻》節奏輕快，但內裏探討一種心態：「開心又一日，唔開心又一日，不如平靜咁擁抱自己嘅情緒。呢首歌就係講『慢慢來比較快』、去感受、去愛、去冒險，捉緊人生每次機遇。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
