【點新聞報道】本港近日天氣不穩，昨（20日）晨返工時段突然落大雨，天文台發出紅色暴雨警告信號。紅雨下一眾打工仔女狼狽趕返工，惟有網民分享，公司一位新人同事竟然由母親出馬，幫手打電話向上司請假，最後更成功攞到「紅雨假」，令該網民驚嘆：「第一次遇到同事請假，係屋企人打嚟幫手請雨假。」
該網民在threads賬號「slavedepartment」投稿指，昨日早上紅雨警告生效，一位剛剛畢業的新同事在WhatsApp群組詢問上司「紅雨係咪要返工」，上司則截取HR通告回覆，指公司規定要黑雨才不用上班。新同事繼續說：「但我呢邊真係好大雨，我屋企人話紅雨唔使返…」上司亦對情況表示理解，再次強調公司規矩，但着該同事「慢慢返，唔急，最緊要安全！」
未幾，上司收到該位新同事的電話，詎料接聽後發現竟然是對方母親。新同事母親在電話中「連環出擊」，強調大雨下不宜讓孩子返工。據投稿網民引述，該位母親表示：「我明你哋公司規矩，但規矩係死㗎，人係生㗎嘛！我覺得俾xxx放假會好啲，一陣淋濕咗，全身濕晒返到公司，冷氣吹親又要病、最後都會病假…不如咁啦，今日俾佢Work from Home啦…」
最終上司被對方行為嚇到，同意讓該名新同事在家工作。但收線之後，上司亦對事件感到哭笑不得，覺得自己「好似變咗班主任」，其他同事亦開玩笑指「下次我又叫阿媽打嚟幫我請假先！」。
事件在網上引起討論，不少網民也分享相似經歷，發現原來返工後仍由家長打電話到公司代辦事項的同事不在少數。有網民提到：「曾經我公司嘅一個intern嘅屋企人打電話俾我阿姐（上司），問可唔可以紅雨唔使返公司，阿姐即刻就答應，仲同佢講『冇問題安全梗係最緊要啦，請你嗰位公子留喺屋企，今日唔使返公司，叫佢好好休息』，佢阿媽勁開心係咁多謝阿姐，轉頭我阿姐就叫HR出咗封信叫佢以後唔使返。」亦有網民指自己是80後，當年已有不少人批評80後職場新人由阿媽代見工、代請假，「所以而家00後阿媽代要求wfh，我一啲都唔驚訝。」
那麼，紅雨或黑雨期間究竟能否在家工作？根據勞工處《惡劣天氣及「極端情況」下工作守則》，若黑雨是在工作時間開始前發出，僱主不應要求一般僱員返回工作地點上班；工作時遇黑雨，主管應立即暫停僱員在戶外及空曠地方工作，並安排其到安全地方暫避。至於紅色或黃色暴雨警告，不論信號在何時發出，大部分情況下僱員應如常工作，但僱主可酌情讓有特殊需要，如懷孕、殘疾的僱員提早下班。
（點新聞記者蘇鉅祖報道）
收藏
取消收藏
分享
