【點新聞報道】移民他邦，要重新適應新環境，生活壓力接踵而至。有移民英國港媽大呻，只是移民三年，已感到整個人急速變老「真係老咗好多」，頓時自慚形穢，話「搞到而家都唔夠膽換新相」。
該名移英港媽發現自己急速變老，遂在社交平台threads發文搵同路人圍爐，問「有冇人覺得黎咗英國急速變老」。樓主以自身為例，「睇返我喺teams入職張相，同而家比，真係老咗好多，只係3年時間，定只係我適應得唔太好，而家都唔夠膽換新相。」而且英國氣溫屢創新高且紫外線強烈，樓主更指「我對眼差咗」，叮囑出門記得戴太陽眼鏡。
帖文獲大批同路人表示認同，認為生活壓力大成導火線，「我在香港，無論事業或家庭都已上軌道，就算出現問題，也知渠道，搵人幫忙也容易。在英國，人生路不熟。人到中年，放低了香港安穩的生活，由零開始。壓力及焦慮，怎不讓人加速衰老？」、「你喺呢度咩都要由頭適應，語言、環境、工作模式、生活模式通通由零開始適應，點會冇壓力？壓力就係令人衰老一個好大嘅原因」。
外貌顯老，身體響警號，「呢度活動少，日照時間少，真係快老好多！連血糖都高好多」、「覺呀，我老得快，肥得快」、「落地嗰半年急速變老+殘，之後衰老放緩返，身邊嘅人好多都大咗個碼」、「急速變肥...」、「對眼差得好快」、「白頭髮係突然多咗好多」、「我都有呢個感覺⋯香港冇家務、坐冷氣房、成日做facial…真係差好遠」。
（本文為作者觀點，不代表本媒體立場）
收藏
取消收藏
分享
