【點新聞報道】《Jason Chan Live in Frames 20周年演唱會》於昨晚（19日）假紅館舉行第二場演出。繼MC張天賦後，昨晚由Jay Fung馮允謙擔任嘉賓，二人都是來自加拿大的「同鄉」，表現得分外投契，在台上更分享了鮮為人知的往事。
其實Jason與Jay Fung去年曾於《什麼是喜劇》音樂會中合作，當時二人一拍即合。相隔一年，Jay Fung為Jason寫了《快照》一曲，作為今次20周年演唱會的主題曲，昨晚二人亦首次同台，合唱這首歌的英文Demo《Up And Down》。唱罷，Jason笑問：「你都攞過好多唱作人金獎，而家先第一次寫歌俾陳柏宇，有冇少少慚愧？」Jay Fung回答道：「你都冇搵我寫歌，我咪唔寫俾你囉！上年嘅今日你有講話想我幫你寫一隻歌，好明顯我冇Hea你啦。寫呢首歌之前，Jason私底下有message我，我有問佢想我寫乜嘢類型嘅歌，Jason就話想我寫一隻我認為好proud of嘅作品。」Jason解釋弦外之音：「因為我唔鍾意人哋諗住陳柏宇去寫歌俾我，我想你寫你自己鍾意嘅歌。」Jason更表示很熟悉Jay Fung的作品，隨即合唱《遠在眼前》，期間Jason更與Jay Fung手牽手行去小舞台，令樂迷們紛紛起哄。臨離開舞台之前，Jay Fung特別送上以「Jay 星文」寫成的生日卡，送給在今天尾場生日的Jason。
昨晚繼續有太太 Leanne（符曉薇）、愛女Abigail與Audrey現身，除了有Abi開金口與Jason合唱《永久保存》外，一家四口繼續在台上放閃，Jason更與家中三位女王即時咀嘴，惹得台下尖叫聲此起彼落。而昨晚的encore環節，Jason為樂迷送上很久沒有獻唱的《I Will Be Loving You》、《沒有吻的資格》及《想創》。
（點新聞特約記者陳惠芳報道）
收藏
取消收藏
分享
