【點新聞報道】移民英國生活多坎坷，這已是不爭的事實。一家三口移英的港爸日前在發文大呻，由生活日常、搵工、睇醫生，壞事都會接二連三發生，「我可能係特別黑仔嗰個」，更直指「英國嘅生活唔係好啱我哋」。
該名移英港爸在社交平台threads發文表示，對連串的黑仔事件，感到無力、挫折，「每個移英家庭的遭遇都不一樣， 但我可能係特別黑仔嗰個。 每次講起喺英國嘅日常生活， 我都真係百感交集。」
正所謂無比較無傷害，香港家居上網安裝非常便捷，但英國方面就差得多，樓主憶述裝Wifi的經歷，「 前後一共嚟咗六個師傅， 搞咗成兩個月先裝到。 期間仲要俾人放咗三次飛機（臨時取消預約）， 搞到我哋嘥咗好多時間喺度白等。 呢件事真係令我好懷疑當地啲行政運作流程係咪有啲問題？」。
樓主又指當地由搵工至受聘到上工，竟足足拖足幾個月，令人寢食不安，「我老婆搵工嗰陣都幾心累。佢明明十月初就已經收到Offer，點知正式入職日期竟然拖到第二年一月先定到。 喺呢三個月幾嘅漫長等待同跟進過程入面， 生活完全冇晒預算，心情七上八落。」
大家都知道在外國看醫生很困難，原來買藥更是難上加難，「仲有一次，個女病咗， 睇完醫生攞到藥單，我哋一連行咗三間藥房， 間間都話隻藥斷咗貨。 睇住個女發緊燒，但竟然買唔到藥， 嗰一刻做人父母真係覺得好無助。」
樓主又指英國公共機構行政混亂，「水電煤的公共服務帳單都好混亂， 我哋明明已經轉咗新嘅電力公司， 但舊公司仲係不斷寄信嚟催交錢。 雖然打過電話去反映，對方亦話會跟進， 但下一個月依然收到一模一樣嘅催款單。」
有網民留言表示感同身受，指「真心好Ｘ折磨，我試過仔發哮喘睇完醫生又係搵唔到藥 最後去AED等5個鐘再睇醫生先有藥」、「好慘！！好明白你個種心情 」。
（本文為作者觀點，不代表本媒體立場）
收藏
取消收藏
分享
