【點新聞報道】昨日（17日）是英皇娛樂集團行政總裁霍汶希（Mani）的生日，平日總是她為旗下藝人籌謀驚喜，今次卻被公司上下聯手反過來「突襲」。曾比特（Mike）、湯怡（Kathy）、楊天宇（Angus）、李靖筠（Gladys）、曾傲棐（Arvin）、海兒（Hedy）、黃明德（Dark）及一眾同事秘密籌備派對，待Mani開完會踏入公司一刻，驚喜即時爆發。
Mani甫進門口，Mike已拿着吉他與Dark合奏彈唱生日歌，隨後全公司加入大合唱，更一口氣唱勻英文、廣東話及國語3個版本，辦公室瞬間變身小型演唱會，氣氛熱烈。
送禮環節更是笑料百出，Angus笑着自爆：「我買咗生日禮物俾你，但係唔記得帶，擺咗喺屋企。」Mani聞言即追住他大叫：「拎個銀包出嚟，唔該！」場面惹笑。而開餅店的Kathy則親手焗製蛋糕送贈，Mani一見即大讚：「呢個係全香港最好味嘅蛋糕，我話俾你哋知，仲要係靚女嘅出品。」
拍完大合照，向來與同事打成一片的Mani自動波高呼：「拎個電話出嚟搶利是！」全場即時瘋狂歡呼。派利是期間，Mani忍不住笑說：「點解無端端變咗新年嘅？」由於事前毫無準備，利是派完後，Mani霸氣改派現金，怎料連現金也不夠，她邊摷袋邊抱頭問：「有冇人有現金呀？」全場爆笑。但她隨即補充：「大家記住，唔係講錢嘅問題，係Lucky Money。攞到Lucky Money就大紅大紫，身體健康、事事如意、要乜有乜。」非常識做。
正當眾人玩得盡興，英皇集團主席楊受成剛好「路過」，楊受成即裝作質問：「你好大膽喎！生日都唔請我！」Mani無奈回應：「唔係呀，我唔知道佢哋surprise我呀，我招架唔住啦，攞晒啲錢出嚟派啦。」楊受成見狀即問：「使唔使要錢呀？」更即時摷袋準備出手，豪氣盡顯。隨後二人合照，Mani說：「老闆，我33年一直都搶你啲錢啦，我今日個個都派咗一封，大家都大吉大利嘅生日利是，祝你身體健康、事事如意、生意興隆。」然後親手遞上利是給楊博士。楊受成接過利是搞笑回應：「可唔可以補償返我30幾年嚟你呃我啲錢呢？多謝。影相先。生日快樂！」
之後老闆與人傾談期間，Mani突然問：「咦，你諗住俾利是我嗎？」全場即時大笑拍手，向來有求必應的楊博士二話不說，即從褲袋掏出利是，場面溫馨又搞笑。
（點新聞特約記者陳惠芳報道）
收藏
取消收藏
分享
