【點新聞報道】由凌文龍、楊偲泳、陳湛文、林子傑及黃德斌主演，人氣劇集《大叔的愛》導演郭家禧（CK）與李振傑（Jack）聯手執導的大癲黑色喜劇《UFO離奇命案》，自上映以來口碑橫掃各大社交平台。在強片林立的暑期檔期中，電影憑藉超強口碑成功突圍，不僅在Threads上引爆討論熱潮，累積票房更已順利突破250萬港元，並於明日（18日）昂然邁進上映第三周！
港產「刀仔鋸大樹」 驚艷海外影展
今年暑假，全球影壇均出現不少「刀仔鋸大樹」的黑馬神作，如《嚇房》和《愛你致死不渝》，皆以新導演、低成本搭配創意概念贏得市場青睞，令國際買家紛紛將目光投向高創意的獨立電影。
本地代表《UFO離奇命案》亦不遑多讓，除了在本地收穫海量正評，更將於本周末進軍加拿大奇幻國際電影節（Fantasia International Film Festival）參與競賽環節。最令人振奮的是，電影在海外尚未正式放映，已吸引多家美國獨立發行商高度關注，並爭相出價競逐海外發行權，為本地小成本創意電影打下一劑強心針！
導演、演員齊「Mon Post」 感恩觀眾熱情力挺
兩位導演郭家禧、李振傑與一眾演員連日來留港忙於謝票，但亦不忘抽空上網「Mon Post」留意觀眾反響。趁着電影即將踏入第三周，眾人決定來一場「賽後檢討」，齊齊拜讀網友的熱情評論。
主角凌文龍興奮分享Threads上的好評：
「只有300萬製作費，精密布局完全唔輸過所謂過億嘅製作！劇情會不斷牽引你嘅思索，直到最後一秒，依然緊扣心弦！」
導演李振傑隨即苦笑幽默回應：
「其實我哋呢個故事，都死咗過億個腦細胞啊！」
女主角楊偲泳（Renci）則留意到另一篇精闢分析：
「以300萬製作、四個場景完成拍攝，有限條件之下搵出令人驚喜嘅敘事結構，荒誕而不失懸疑驚慄，是近期最瘋狂、最搞笑嘅 Cult 片！」
Renci笑問拍檔：「我哋係咪Cult片？我覺得我哋係Cult片嘅『Cult Cult哋』。我聽過一個版本，係導演本來想認真拍，但係俾我哋班演員演到變咗Cult片！」小龍隨即婦唱夫隨地附和：「其實呢個效果係我哋造成㗎嘛！」戲中CP在戲外依然默契十足，引來全場大笑。
「星塵大師」黃德斌喜劇細胞覺醒？
在戲中飾演「星塵大師」、滿口歪理的黃德斌，這次表現大受網友讚賞。德斌親自讀出網友評價：
「黃德斌以前覺得佢好嚴肅，點知喜劇都有一手，係咪《大叔的愛》之後覺醒咗？」
德斌聽罷笑言：「我癡㗎其實！我都係聽導演話，同埋盡量夾下小龍、Renci、Peter佢哋咁樣啫。」好拍檔小龍隨即踢爆：「其實德斌不嬲私底下都好搞笑！」
另一邊廂，導演李振傑分享了另一則爆笑留言：
「一套真係好癲嘅戲，不過真係好睇！就算成本低都完全唔失禮，劇本有趣，我左右兩位觀眾笑到抽筋，好似神打咁樣！」
Renci見狀，隨即在現場即興示範「神打」表情，由戲裏的網紅KOL「雯豬」到戲外的她本人，皆充滿表演慾。
揚言下次挑戰200萬預算？
導演郭家禧對另一篇讚賞劇組「用小錢辦大事」的帖文最感共鳴：
「電影出奇地好睇啊，原來成本只係300萬，拍出完整而又有笑位的電影，已算是上乘之作！」
郭導讀完感嘆道：「其實（預算少）真係拍得好辛苦！」小龍亦力撐戰友：「不過好多朋友都睇得出，我哋呢個300萬嘅製作係充滿誠意！」
郭導隨即搞笑提議：「咁我下次不如挑戰200萬預算？」導演李振傑立刻搭腔：「咁搞法，睇怕要在演員片酬度開刀喇！」早已不計酬勞力撐本地創作的Renci笑答：「我哋冇得再減（開刀）㗎喇，哈哈哈！」
「阿金」陳湛文今晚突襲旺角 大派「金」蔗水答謝觀眾
為答謝廣大網友與影迷的支持，被網友封為片中 MVP 的「阿金」陳湛文（Peter），今晚將聯同戲中的「小灰人」突襲旺角街頭，親自大派「金」蔗水答謝大家！
市民及影迷只需於指定時間到達現場，重演戲中經典口號：「我哋地球人唔會同外星人屈服！」，即可獲得由Peter與小灰人親手送上的消暑金蔗水，大家切勿錯過！
收藏
取消收藏
分享
