【點新聞報道】由洪天明、陳柏宇（Jason）、劉沛蘅（Hillary）及黃妍（Cath）主持的HOY TV節目《嫲嫲飯飯》正熱播，每集邀請不同星級嫲嫲亮相，其中一位正是有「大眾嫲嫲」之稱的馮素波。她帶同香港男子花劍隊代表吳諾弘（Lawrence）這位「哎呀孫仔」一同登場。
原來兩人早在Lawrence小時候已合作過，波姐對當年情景仍歷歷在目：「佢當時好靜㗎！到佢講對白時又唔出聲，我以為佢驚，又以為佢好沙塵，綵排時乜都唔講，點知正式錄影時佢又講得喎！原來係怕醜！呢個就係佢嘅特色喇！」今次再與波姐同枱食飯拍節目，Lawrence分外開心，更笑言想開個群組，搵返當年一齊同波姐合作過的童星，約出來聚舊食餐飯。講到隊友蔡俊彥正式進軍樂壇，Lawrence坦言自己亦有過類似念頭：「我覺得我都可能有呢方面嘅打算，但一定要等到退役之後先講，不過都係順其自然啦，畢竟娛樂圈好講實力同運氣，都要先好好裝備自己。」
嘉賓主持黃妍雖然是首次與Hillary合作，但兩人一拍即合。Cath直言拍攝過程好開心：「我好鍾意聽人分享，今次仲有美食，可以食到嫲嫲嘅手藝真係好幸福！」她亦提到自己與婆婆感情深厚，可惜婆婆離世前患上認知障礙症。幾年前她寫下《無聲浪》，便是回想當時心情仍帶點難受，每次都要鼓起勇氣才敢問婆婆：「你記唔記得我係邊個？」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
