【點新聞報道】周國賢（Endy）一連四場全企位音樂會《周國賢Disconnect to…Reconnect Unplugged Live》，昨晚（15日）於新蒲崗Portal正式揭幕。全場550個企位賣到一票不剩，現場企到密密麻麻，熱氣逼人。Endy一開波便拿着結他自彈自唱，一口氣唱足18首歌，全場氣氛由頭燒到落尾。
音樂會以劇場式表演探討科技與人性的關係。Endy分享靈感來自對先進時代的反思：若有一日全球停電，人類不能依賴AI及網絡，會變成如何？「自己一向對新事物慢半拍，懷念30年前嗰種親手買工具、用汗水創作嘅『血肉感』。」所以今次特意安排部分環節得他用一支木結他獨唱，重現當年寫歌的原始過程。
近尾聲時歌迷狂嗌Encore，Endy再度出場，他見反應熱烈即試水溫，「如果可以開part2就好啦呵！」全場歡呼聲四起兼狂嗌：「好！」，Endy滿意點頭叫好，然後為歌迷送上一首新歌《仿生覺知》。唱完隨即落台，歌迷繼續釘在原地狂叫Encore近3分鐘，聲終Endy跟樂隊再次返回舞台。Endy說：「真係冇準備，唯有唱啲我記到歌詞嘅好冇？」隨即唱出《14天》，歌迷更全場大合唱，氣氛推至高峰便圓滿落幕。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
