【點新聞報道】ViuTV原創劇《日落下的彩虹》邀得吳浣儀、郭鋒及夏雨等資深演員參演，其中夏雨與兒子黃奕晨（Dixon）更是首次父子檔上陣。兩人在劇中與陳欣妍（Shirley）飾演年輕夫妻，夏雨和郭鋒則化身一對鬥氣親家。
談及父子合作，夏雨笑言感覺新鮮但未覺特別：「從未同佢拍過戲，但對我嚟講冇咩分別，因為埋位就係角色，唔會諗戲外嘅身份。我一向容易投入同抽離，所以只係有啲新鮮感。」不過Dixon卻大爆父親在片場表現緊張又尷尬，尤其當夏雨指導他演戲時，兩父子甚至很少交談：「喺片場我同老竇係唔講嘢㗎，會尷尬。但我同鋒哥（郭鋒）就好多嘢講，我有試過叫老竇一齊傾，但佢好似冇乜反應。」
談到維繫家庭，夏雨認為和諧最重要：「小朋友大咗就會獨立，各有各生活。保持間中食飯，有困難時最能幫到你的始終係屋企人。」郭鋒則大讚Dixon乖巧有禮、尊重長輩，學習態度極佳，並直言從Dixon身上可看到夏雨的教育方式：「你仁慈又慈愛，表面嚴肅但其實好Nice，睇到個仔就知爸爸係點樣嘅人。」夏雨聞言即笑稱：「我叫佢咁講嘅。」場面輕鬆惹笑。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
